ലോകകപ്പ് യോഗ്യത മത്സരത്തിൽ സ്കോട്ലാന്ഡിനെതിരെ 286/8 എന്ന സ്കോര് നേടി അയര്ലണ്ട്. ഒരു ഘട്ടത്തിൽ 70/5 എന്ന നിലയിൽ തകര്ന്ന ടീമിനെ കര്ട്ടിസ് കാംഫര് നേടിയ ശതകം ആണ് പൊരുതാവുന്ന സ്കോറിലേക്ക് നയിച്ചത്. 120 റൺസ് നേടിയ താരത്തിനൊപ്പം 69 റൺസ് നേടിയ ജോര്ജ്ജ് ഡോക്രലും ടീമിനെ മുന്നോട്ട് നയിച്ചു.
ആറാം വിക്കറ്റിൽ ഇരുവരും ചേര്ന്ന് 136 റൺസാണ് നേടിയത്. സ്കോട്ലാന്ഡിന് വേണ്ടി ബ്രണ്ടന് മക്മുല്ലന് 5 വിക്കറ്റ് നേടി. 108 പന്തിൽ 120 റൺസ് നേടിയ കാംഫര് ഇന്നിംഗ്സ് അവസാനിക്കുവാന് ഒരു പന്ത് ബാക്കി നിൽക്കവേയാണ് പുറത്തായത്.