ഇന്ത്യ-പാക്കിസ്ഥാന് ലോകകപ്പ് പോര് ഇരു രാജ്യങ്ങള്ക്കും എത്രമാത്രം ആവേശവും പ്രാധാന്യവും നിറഞ്ഞതാണെന്നതിന്റെ സൂചനകള് നല്കി പാക്കിസ്ഥാന് നായകന് സര്ഫ്രാസ് അഹമ്മദ്. പാക്കിസ്ഥാന് ടൂര്ണ്ണമെന്റില് ഏത് മത്സരം പരാജയപ്പെട്ടാലും ആരാധകര് ക്ഷമിക്കും എന്നാല് അവര്ക്ക് ഇന്ത്യയ്ക്കെതിരെ ജയം വേണമെന്നതില് കുറഞ്ഞൊന്നും ചിന്തിക്കാനാകില്ല.
ഇതേ സ്ഥിതി തന്നെയാണ് ബോര്ഡറിനു അപ്പുറമെന്നും പാക്കിസ്ഥാന് നായകന് പറഞ്ഞു. ഇന്ത്യന് ആരാധകര്ക്കും സമാനമായ ആവശ്യമാണുള്ളതെന്നറിയാം. ഇത് തന്നെ ടൂര്ണ്ണമെന്റിലെ ഏറ്റവും ആവേശകരമായ മത്സരമായി ഇന്ത്യ-പാക് പോരിനെ മാറ്റുന്നുവെന്നും സര്ഫ്രാസ് അഭിപ്രായപ്പെട്ടു.