ക്രിക്കറ്റിൽ മഴയെ അതിജീവിച്ച് മത്സരങ്ങള് നടത്തുവാന് റൂഫ് ടോപ് സ്റ്റേഡിയങ്ങളിൽ മത്സരങ്ങള് നടത്തുക എന്നത് ക്രിക്കറ്റ് ബോര്ഡുകള് തീരുമാനിക്കേണ്ട കാര്യമാണെന്ന് പറഞ്ഞ് ശുഭ്മന് ഗിൽ. മഴ കാരണം രണ്ടാം ഏകദിനം ഉപേക്ഷിച്ചതിന് ശേഷം പ്രതികരിക്കുകയായിരുന്നു ശുഭ്മന് ഗിൽ.
താരങ്ങളെയും ആരാധകരെയും സംബന്ധിച്ച് വളരെ അലോസരം ഉണ്ടാക്കുന്ന ഒന്നാണ് മഴ ബ്രേക്കുകള്. ഇന്ഡോറിൽ മത്സരങ്ങള് നടത്തുക പ്രയാസം ആണെങ്കിലും ക്ലോസ്ഡ് റൂഫ് ഉള്ള സ്റ്റേഡിയം ഒരു സാധ്യത തന്നെയാണെന്ന് ഗിൽ വ്യക്തമാക്കി.
ഓവറുകള് കുറയുകും എത്ര ഓവറായിരിക്കും മത്സരമെന്നും അറിയാത്തത് ബാറ്റിംഗ് ടീമിന്റെ പ്ലാനിംഗിനെ സാരമായി ബാധിക്കുമെന്നും ഗിൽ കൂട്ടിചേര്ത്തു.