ബിഗ് ബാഷിലെ പരിക്ക്, സൂസി ബെയ്റ്റ്സിന് ശസ്ത്രക്രിയ ആവശ്യം

Sports Correspondent

Download the Fanport app now!
Appstore Badge
Google Play Badge 1

മുന്‍ ന്യൂസിലാണ്ട് ക്യാപ്റ്റന്‍ സൂസി ബെയ്റ്റ്സിന് അവശേഷിക്കുന്ന വനിത ബിഗ് ബാഷ് മത്സരങ്ങള്‍ നഷ്ടമാകും. അഡിലെയ്ഡ് സ്ട്രൈക്കേഴ്സും മെല്‍ബേണ്‍ സ്റ്റാര്‍സും തമ്മിലുള്ള മത്സരത്തില്‍ ഔട്ട് ഫീല്‍ഡില്‍ നിന്ന് ത്രോ നല്‍കിയ ശേഷം തന്റെ തോളിന് വേദന തോന്നിയ താരം നാട്ടിലേക്ക് മടങ്ങുവാനുള്ള തയ്യാറെടുപ്പുകള്‍ നടത്തുകയാണ്.

താരത്തിന് ഇക്കഴിഞ്ഞ ഒക്ടോബറില്‍ ഓസ്ട്രേലിയന്‍ പര്യടനത്തിനിടെയും സമാനമായ പരിക്ക് നേരിടേണ്ടി വന്നിരുന്നു. ഓസ്ട്രേലിയയിലെ സ്പെഷ്യലിസ്റ്റിനെ കണ്ട ശേഷം താരത്തിന് ശസ്ത്രക്രിയ ആവശ്യമായി വരുമെന്നാണ് ഇപ്പോള്‍ ലഭിയ്ക്കുന്ന വിവരം.