വനിത ബിഗ് ബാഷില്‍ ഇന്ത്യന്‍ താരങ്ങള്‍ വീണ്ടുമെത്തുന്നു

Sports Correspondent

Download the Fanport app now!
Appstore Badge
Google Play Badge 1

ഹോബാര്‍ട്ട് ഹറികെയിന്‍സുമായി 2018-19 സീസണിലേക്കുള്ള കരാര്‍ ഒപ്പുവെച്ച് ഇന്ത്യന്‍ വനിത ടി20 വൈസ് ക്യാപ്റ്റന്‍ സ്മൃതി മന്ഥാന. രണ്ടാം സീസണില്‍ താരം ബ്രിസ്ബെയിന്‍ ഹീറ്റിനു വേണ്ടി കളിച്ചിരുന്നു. എന്നാല്‍ അന്ന് താരത്തിനു ടൂര്‍ണ്ണമെന്റിനിടെ പരിക്കേറ്റിരുന്നു. ഡിസംബര്‍ 1നു പെര്‍ത്ത് സ്കോര്‍ച്ചേഴ്സിനെതിരെയാണ് ഹറികെയിന്‍സിന്റെ ആദ്യ മത്സരം. എന്നാല്‍ താരം ഡിസംബര്‍ എട്ടിനു മെല്‍ബേണ്‍ സ്റ്റാര്‍സിനെതിരെയുള്ള മത്സരത്തിനാവും ടീമിനൊപ്പം ചേരുക.

അതേ സമയം ഇന്ത്യന്‍ നായിക ഹര്‍മ്മന്‍പ്രീത് കൗര്‍ സിഡ്നി തണ്ടറുമായി നേരത്തെ തന്നെ രണ്ട് വര്‍ഷത്തെ കരാര്‍ 2017ല്‍ ഒപ്പുവെച്ചതിനാല്‍ ഈ സീസണിലും മടങ്ങിയെത്തും. ഇക്കഴിഞ്ഞ വനിത ലോക ടി20യില്‍ ന്യൂസിലാണ്ടിനെതിരെ ശതകം നേടിയ ഹര്‍മ്മന്‍പ്രീത് കൗര്‍ മികച്ച ഫോമിലാണ്. തണ്ടറിന്റെ ആദ്യ മത്സരം മെല്‍ബേണ്‍ റെനേഗേഡ്സുമായാണ്.