ബ്രിസ്ബെയിന്‍ ഹീറ്റുമായി രണ്ട് വര്‍ഷത്തെ കരാര്‍ പുതുക്കി ടോം ബാന്റണ്‍

Sports Correspondent

Download the Fanport app now!
Appstore Badge
Google Play Badge 1

ബിഗ് ബാഷില്‍ ബ്രിസ്ബെയിന്‍ ഹീറ്റുമായി രണ്ട് വര്‍ഷത്തേക്ക് കരാര്‍ നീട്ടി ടോം ബാന്റണ്‍. ഏഴ് മത്സരങ്ങളില്‍ നിന്ന് 223 റണ്‍സ് നേടിയ താരത്തിന്റെ കന്നി ബിഗ് ബാഷ് സീസണ്‍ മികച്ചതായിരുന്നു. മൂന്ന് അര്‍ദ്ധ ശതകങ്ങള്‍ നേടിയ താരം ഇതില്‍ സിഡ്നി തണ്ടറിനെതിരെ 16 പന്തില്‍ നിന്ന് നേടിയ അര്‍ദ്ധ ശതകം ടൂര്‍ണ്ണമെന്റിലെ എക്കാലത്തെയും മികച്ച രണ്ടാമത്തെ വേഗതയേറിയ അര്‍ദ്ധ ശതകമാണ്.

ടോം ബാന്റണ്‍ സ്പെഷ്യലാണെന്നാണ് ഹീറ്റ് കോച്ച് ഡാരെന്‍ ലീമാന്‍ അഭിപ്രായപ്പെട്ടത്. അത് ഈ ഏഴ് മത്സരങ്ങളില്‍ നിന്ന് താരം തെളിയിച്ചുവെന്നും ലീമാന്‍പറഞ്ഞു. എന്നാല്‍ ടീമെന്ന നിലയില്‍ ഹീറ്റിന് ഏഴാം സ്ഥാനത്ത് മാത്രമേ എത്തുവാനായിരുന്നുള്ളു.