Category: Big Bash

അലക്സ് ഡൂളന്‍ പുറത്താകാതെ നേടിയ 70 റണ്‍സിനും ഹോബാര്‍ട്ടിനെ വിജയത്തിലെത്തിക്കാനായില്ല. തുടക്കത്തില്‍ വെടിക്കെട്ട് ബാറ്റ്സ്മാന്‍ ഷോര്‍ട്ടിനെ നഷ്ടമായ ഹോബാര്‍ട്ടിനെ ബെന്‍ മക്ഡര്‍മട്ടും അലക്സ് ഡൂളനും ചേര്‍ന്ന് വീണ്ടും മത്സരത്തിലേക്ക് തിരികെ എത്തിച്ചുവെങ്കിലും മക്ഡര്‍മട്ട് പുറത്തായ ശേഷം വിക്കറ്റുകള്‍ അടിക്കടി വീണത് ടീമിനു തിരിച്ചടിയായി. 20 ഓവറില്‍ 4 വിക്കറ്റ് നഷ്ടത്തില്‍ 176 റണ്‍സ് നേടാനെ ഹോബാര്‍ട്ടിനു സാധിച്ചുള്ളു. പതിവിനു വിപരീതമായി മെല്ലെയാണ് ഷോര്‍ട്ട് തുടങ്ങിയത് തന്റെ 28 റണ്‍സിനായി 24 പന്തുകളാണ് താരം നേരിട്ടത്.

ഡൂളന്‍ 55 പന്തില്‍ നിന്ന് 70 റണ്‍ നേടിയപ്പോള്‍ മക്ഡര്‍മട്ട് 29 പന്തിലാണ് 45 റണ്‍സ് നേടിയത്. മൂന്നാം വിക്കറ്റില്‍ 102 റണ്‍സ് നേടി ശക്തമായ നിലയില്‍ മുന്നേറുകയായിരുന്നു സഖ്യത്തെ വേര്‍പിരിച്ചത് ബെന്‍ ലൗഗ്ലിന്‍ ആയിരുന്നു.

നേരത്തെ അലക്സ് കാറേ(100), ജേക്ക് വെത്തറാള്‍ഡ്(65) എന്നിവരുടെ ബാറ്റിംഗ് മികവില്‍ സ്ട്രൈക്കേഴ്സ് 20 ഓവറില്‍ 4 വിക്കറ്റ് നഷ്ടത്തില്‍ 187 റണ്‍സ് നേടിയിരുന്നു. മൂന്ന് വിക്കറ്റ് നേടിയ ജോഫ്ര ആര്‍ച്ചര്‍ ഹോബാര്‍ട്ടിനായി കണിശതയോടെ പന്തെറിഞ്ഞു.

കൂടുതൽ കായിക വാർത്തകൾക്ക് : www.facebook.com/FanportOfficial

ഷോണ്‍ മാര്‍ഷ് 2013/14 സീസണില്‍ നേടിയ 412 റണ്‍സ് എന്ന ബിഗ് ബാഷ് സീസണുകളിലെ ഏറ്റവും അധികം റണ്‍സ് എന്ന റെക്കോര്‍ഡ് തകര്‍ത്ത് ഹോബാര്‍ട്ട് ഹറികെയിന്‍സ് താരം ഡി’ആര്‍ക്കി ഷോര്‍ട്ട്. ഇതുവരെ 7 ഇന്നിംഗ്സുകളില്‍ നിന്നായി 465 റണ്‍സാണ് ഷോര്‍ട്ട് ടൂര്‍ണ്ണമെന്റില്‍ നേടിയിട്ടുള്ളത്. ഇതില്‍ 122 റണ്‍സ് എന്ന ബിഗ് ബാഷ് ചരിത്രത്തിലെ ഏറ്റവും ഉയര്‍ന്ന സ്കോറും ഉള്‍പ്പെടുന്നു.

രണ്ട് തവണ സീസണില്‍ ശതകം നഷ്ടമായ താരം(96, 97 റണ്‍സ്) ടൂര്‍ണ്ണമെന്റില്‍ 77.50 എന്ന ആവറേജിലാണ് ബാറ്റ് വീശുന്നത്. 153.46 ആണ് താരത്തിന്റെ നിലവിലെ സ്ട്രൈക്ക് റേറ്റ്. തന്റെ ഈ പ്രകടനം ഈ മാസം അവസാനം നടക്കുന്ന ഐപിഎല്‍ ലേല ദിവസം തനിക്ക് ഗുണകരമാകുമെന്ന വിശ്വാസത്തിലാണ് താരം.

കൂടുതൽ കായിക വാർത്തകൾക്ക് : www.facebook.com/FanportOfficial

ഇന്ന് ലോക ക്രിക്കറ്റില്‍ ഏറ്റവും മികച്ച ഫോമില്‍ കളിക്കുന്ന താരം ആരെന്ന ചോദ്യത്തിനു ഉത്തരം ഹോബാര്‍ട്ട് ഹറികെയിന്‍സിനു വേണ്ടി കളിക്കുന്ന ഡിആര്‍ക്കി ഷോര്‍ട്ട് ആണെന്നാവും കളിയെ അടുത്ത് വിശകലനം ചെയ്യുന്നൊരാളുടെ മറുപടി. ബിഗ് ബാഷിലെ ഒട്ടുമിക്ക ടീമുകളിലെയും ബൗളര്‍മാര്‍ ഈ താരത്തിന്റെ ബാറ്റിന്റെ ചൂടറിഞ്ഞു കഴിഞ്ഞിരിക്കുന്നു. രണ്ട് തവണ ശതകത്തിനരികെ എത്തിയ താരം മൂന്നാം അവസരത്തില്‍ ബിഗ് ബാഷിലെ മൂന്നക്ക സ്കോറും നേടുകയുണ്ടായി. ബൗളര്‍മാര്‍ മാത്രമല്ല ഹോബാര്‍ട്ട് ഹറികെയിന്‍സിന്റെ പരിശീലകന്‍ ഗാരി കിര്‍സ്റ്റനും ഇപ്പോള്‍ താരത്തിന്റെ ബാറ്റിന്റെ ചൂടറിഞ്ഞു എന്നാണ് പുറത്ത് വരുന്ന വാര്‍ത്ത.

താരത്തിനു പരിശീലനത്തിനായി പന്തെറിഞ്ഞു കൊടുക്കുകയായിരുന്നു ഗാരിയുടെ താടിയിലേക്ക് പന്തടിച്ച് പരിക്കേല്പിക്കുകയായിരുന്നു ഷോര്‍ട്ട് തന്റെ ഷോട്ടിലൂടെ. ഇന്‍ഡോര്‍ നെറ്റ്സിലെ പരിശീലനത്തിനിടെ പരിക്കേറ്റ കിര്‍സ്റ്റനു പല്ലിനു പൊട്ടലുണ്ടെന്നാണ് അറിയുവാന്‍ കഴിയുന്നത്. കൂടുതല്‍ അപകടമില്ലാതെ കോച്ച് രക്ഷപ്പെട്ടത്തിന്റെ ആശ്വാസത്തിലാണ് ഷോര്‍ട്ടും ടീമംഗങ്ങളും.

നിലവില്‍ ഏഴ് ഇന്നിംഗ്സുകളിലായി താരം 465 റണ്‍സാണ് നേടിയിട്ടുള്ളത്. ബിഗ് ബാഷിലെ ഒരു സീസണില്‍ ഏറ്റവുമധികം റണ്‍സെന്ന ഷോണ്‍ മാര്‍ഷിന്റെ റെക്കോര്‍ഡും ഷോര്‍ട്ട് മറികടന്നു കഴിഞ്ഞു.

കൂടുതൽ കായിക വാർത്തകൾക്ക് : www.facebook.com/FanportOfficial

നിര്‍ണ്ണായകമായ ബിഗ് ബാഷിലെ മത്സരത്തില്‍ ഹോബാര്‍ട്ട് ഹറികെയിന്‍സിനെതിരെ 165 റണ്‍സ് നേടി ബ്രിസ്ബെയിന്‍ ഹീറ്റ്. 51 റണ്‍സ് നേടിയ ബ്രണ്ടന്‍ മക്കല്ലം, 38 റണ്‍സുമായി ജോ ബേണ്‍സ് എന്നിവര്‍ക്ക് പുറമേ ബെന്‍ കട്ടിംഗും(30), ജിമ്മി പിയേര്‍സണും(16) ചേര്‍ന്നാണ് ടീമിനെ 165 റണ്‍സ് എന്ന് സ്കോറിലേക്ക് എത്തിച്ചത്. അവസാന ഓവറില്‍ രണ്ട് വിക്കറ്റ് വീഴ്ത്തി ജോഫ്ര ആര്‍ച്ചര്‍ ഹീറ്റിന്റെ വിക്കറ്റ് നഷ്ടം മത്സരത്തില്‍ എട്ടാക്കി മാറ്റി.

ആര്‍ച്ചറിനു പുറമേ മറ്റു ബൗളര്‍മാരെല്ലാം തന്നെ ഓരോ വിക്കറ്റ് വീഴ്ത്തുകയായിരുന്നു. ക്ലൈവ് റോസ്, തൈമല്‍ മില്‍സ്, ഷോര്‍ട്ട്, കാമറൂണ്‍ ബോയസ്, ഡാനിയേല്‍ ക്രിസ്റ്റ്യന്‍ എന്നിവരാണ് മറ്റു ബൗളര്‍മാര്‍.

കൂടുതൽ കായിക വാർത്തകൾക്ക് : www.facebook.com/FanportOfficial