മെല്‍ബേണ്‍ റെനഗേഡ്സിനു വേണ്ടി 2018-19 സീസണില്‍ കളിക്കുവാനൊരുങ്ങി മുഹമ്മദ് നബി. ഫ്രാഞ്ചൈസിയുമായുള്ള കരാര്‍ പുതുക്കിയ താരം പുതിയ സീസണിലും ടീമിനൊപ്പമുണ്ടാകുമെന്ന് ഉറപ്പ് വരുത്തുകയായിരുന്നു. കവിഞ്ഞ വര്‍ഷം ആദ്യ സീസണില്‍ കളിച്ച താരം മൂന്ന് ഇന്നിംഗ്സുകളിലായി 88 റണ്‍സും ഏഴ് മത്സരങ്ങളില്‍ നിന്ന് 8 വിക്കറ്റുമാണ് വീഴ്ത്തിയത്. ഇതില്‍ മെല്‍ബേണ്‍ സ്റ്റാര്‍സിനെതിരെ നേടിയ മാന്‍ ഓഫ് ദി മാച്ച് പുരസ്കാരവും അടങ്ങുന്നു.
ഐസിസി ടി20 അന്താരാഷ്ട്ര ഓള്‍റൗണ്ടര്‍മാരുടെ പട്ടികയില്‍ രണ്ടാം സ്ഥാനമാണ് നബിയ്ക്ക് ഉള്ളത്. 2018-19 സീസണ്‍ ബിഗ്ബാഷ് ലീഗ് ഡിസംബര്‍ 19നു ആരംഭിയ്ക്കും. മെല്‍ബേണ്‍സ് സ്ക്വാഡിലേക്ക് ഒരു വിദേശ താരത്തിനു കൂടി ഇടം ബാക്കിയുണ്ട്.
