മുജീബ് ഒരുങ്ങുന്നു ബിഗ് ബാഷ് കളിക്കുവാന്‍

Sports Correspondent

Download the Fanport app now!
Appstore Badge
Google Play Badge 1

അഫ്ഗാനിസ്ഥാന്റെ പുതിയ സ്പിന്‍ സെന്‍സേഷന്‍ മുജീബ് ഉര്‍ റഹ്മാനും ബിഗ് ബാഷ് കളിക്കുവാന്‍ ഒരുങ്ങുന്നു. ബിഗ് ബാഷ് ഫ്രാഞ്ചൈസിയായ ബ്രിസ്ബെയിന്‍ ഹീറ്റാണ് 2018-19 സീസണിലേക്ക് 18 വയസ്സുകാരനെ ടീമിലെത്തിച്ചിരിക്കുന്നത്. ഹീറ്റിന്റെ രണ്ടാമത്തെ വിദേശ താരമാണ് മുജീബ്. ബ്രണ്ടന്‍ മക്കല്ലമാണ് മറ്റൊരു വിദേശ താരം. ഐപിഎലില്‍ കിംഗ്സ് ഇലവന്‍ പഞ്ചാബിനു വേണ്ടി കഴിഞ്ഞ സീസണില്‍ മുജീബ് കളിച്ചിരുന്നു.

ടൂര്‍ണ്ണമെന്റിലെ എല്ലാ മത്സരങ്ങളിലും മുജീബിന്റെ സേവനമുണ്ടാകുമെന്നാണ് ഇപ്പോളത്തെ തീരുമാനം. സാമുവല്‍ ബദ്രീ, യസീര്‍ ഷാ അല്ലെങ്കില്‍ ഷദബ് ഖാന്‍ എന്നിവരടങ്ങുന്ന സ്പിന്‍ സംഘത്തിലേക്കാണ് മുജീബ് എത്തുന്നത്. ഇത് ടീമിനുള്ളില്‍ തന്നെ മികച്ച സ്പോര്‍ട്ടിംഗ് സ്പിരിറ്റിലുള്ള മത്സരങ്ങള്‍ സൃഷ്ടിക്കുമെന്ന് മുഖ്യ കോച്ച് ഡാനിയേല്‍ വെട്ടോറി അറിയിച്ചു.