പെര്‍ത്ത് സ്കോര്‍ച്ചേഴ്സുമായുള്ള കരാര്‍ പുതുക്കി ഓസ്ട്രേലിയന്‍ ഓള്‍റൗണ്ടര്‍ മിച്ചല്‍ മാര്‍ഷ്. നാല് വര്‍ഷത്തേക്കാണ് താരം പുതിയ കരാറിലെത്തിയിരിക്കുന്നത്. ഇതിന്‍ പ്രകാരം മിച്ചല്‍ മാര്‍ഷ് 2025 വരെ ക്ലബില്‍ തുടരും. ക്ലബിനോടൊപ്പമുള്ള പത്ത് വര്‍ഷത്തില്‍ താരം മൂന്ന് ബിഗ് ബാഷ് കിരീടം സ്വന്തമാക്കിയിട്ടുണ്ട്.
2018ല്‍ പെര്‍ത്തിന്റെ ക്യാപ്റ്റന്‍സിയും താരത്തെ തേടിയെത്തിയെങ്കിലും ഐപിഎലിനിടെ പരിക്കേറ്റ താരം ഈ സീസണിന് മുമ്പ് അത് താത്കാലികമായി ആഷ്ടണ്‍ ടര്‍ണറെ ഏല്പിച്ചു. പിന്നീട് പരിക്ക് മാറി എത്തിയ താരം ടര്‍ണറോട് ക്യാപ്റ്റന്‍സിയില്‍ തുടരുവാന്‍ ആവശ്യപ്പെടുകയായിരുന്നു.
