സാന്സി സൂപ്പര് ലീഗില് ഡെയില് സ്റ്റെയിനിന് ഏറ്റ പരിക്കിനെ തുടര്ന്ന് പകരക്കാരനായി ഹാരിസ് റൗഫിനെ സ്വന്തമാക്കി മെല്ബേണ് സ്റ്റാര്സ്. 2019ല് പാക്കിസ്ഥാന് സൂപ്പര് ലീഗില് ലാഹോര് ഖലന്തേഴ്സിന് വേണ്ടി അരങ്ങേറ്റം നടത്തിയ താരമാണ് റൗഫ്. ബ്രിസ്ബെയിന് ഹീറ്റിനെതിരെ നടക്കുന്ന മത്സരത്തിലെ 13 അംഗ സ്ക്വാഡില് താരം ഇടം പിടിച്ചിട്ടുണ്ട്. വെള്ളിയാഴ്ചയാണ് സ്റ്റാര്സിന്റെ ആദ്യ മത്സരം.
18 ടി20 മത്സരങ്ങളില് നിന്ന് താരം 19 വിക്കറ്റാണ് നേടിയിട്ടുള്ളത്. ഡെയില് സ്റ്റെയിനിന്റെ ഫിറ്റെനെസ്സും ചികിത്സയുമാണ് ടീമിന്റെ ഏറ്റവും പ്രധാന കാര്യമെന്ന് മെല്ബേണ് സ്റ്റാര്സ് ഫിസിയോ വ്യക്തമാക്കി.
താരം ഓസ്ട്രേലിയയില് എത്തിയ ശേഷം വേണ്ടത്ര വിശ്രമം നല്കുകയാണ് ലക്ഷ്യമെന്നും ഫിസിയോ ടോമി സിംസെക് അഭിപ്രായപ്പെട്ടു. സ്റ്റെയിന് ഞായറാഴ്ചത്തെ മത്സരത്തിന് തയ്യാറാകുമെന്നാണ് പ്രതീക്ഷിക്കപ്പെടുന്നതെന്നും അദ്ദേഹം വ്യക്തമാക്കി.