ക്രിസ് ലിന്‍ മടങ്ങിയെത്തുന്നു, ഹീറ്റ്സുമായുള്ള കരാര്‍ അഞ്ച് വര്‍ഷത്തേക്ക്

- Advertisement -

ബിഗ് ബാഷിലേക്ക് ക്രിസ് ലിന്‍ മടങ്ങിയെത്തുന്നു. ബ്രിസ്ബെയിന്‍ ഹീറ്റ്സുമായി അഞ്ച് വര്‍ഷത്തെ കരാറില്‍ ഏര്‍പ്പെട്ട ലിന്നിന്റെ കരാര്‍ തുക ടൂര്‍ണ്ണമെന്റ് ചരിത്രത്തിലെ തന്നെ ഏറ്റവും വലിയ തുകയെന്നാണ് അറിയുന്നത്. 2011 മുതല്‍ ഹീറ്റ്സിനു വേണ്ടി കളിക്കുന്ന ലിന്‍ 2021-22 സീസണ്‍ വരെ ടീമിനൊപ്പം തുടരാനാണ് തീരുമാനിച്ചിരിക്കുന്നത്.

പരിക്കാണ് താരത്തെ ഏറെ അലട്ടുന്ന പ്രശ്നം. കഴിഞ്ഞ ഐപിഎല്‍ സീസണില്‍ കൊല്‍ക്കത്ത നൈറ്റ റൈഡേഴ്സിനു വേണ്ടി മത്സരിക്കന്നതിനിടെ ലിന്നിനു പരിക്കേറ്റിരുന്നു. ശസ്ത്രക്രിയയ്ക്ക് വിധേയനായ താരം ഏറെ നാളായി ക്രിക്കറ്റില്‍ നിന്ന് വിട്ടു നില്‍ക്കുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement