കോവിഡ് പ്രൊട്ടോക്കോളിന്റെ ലംഘനത്തിന്റെ പേരില്‍ ബ്രിസ്ബെയിന്‍ ഹീറ്റ് താരങ്ങളായ ക്രിസ് ലിന്നിനും ഡാന്‍ ലോറന്‍സിനുമെതിരെ പിഴ വിധിച്ച് ക്രിക്കറ്റ് ഓസ്ട്രേലിയ. ഇരുവരുടെയും ഫ്രാഞ്ചൈസിയായ ഹീറ്റിനും ക്രിക്കറ്റ് ഓസ്ട്രേലിയ പിഴ വിധിച്ചിട്ടുണ്ട്. ലംഘനം ചെറിയ തോതിലുള്ളതാണെന്നാണ് ക്രിക്കറ്റ് ഓസ്ട്രേലിയ അഭിപ്രായപ്പെട്ടത്.
ബ്രിസ്ബെയിന്‍ ഹീറ്റിനെതിരെ $50000 ആണ് പിഴയായി വിധിച്ചത്. ഇരു താരങ്ങള്‍ക്കും $10000 പിഴയായി വിധിച്ചിട്ടുണ്ട്. അന്വേഷണത്തോട് സഹകരിച്ച് ഫ്രാഞ്ചൈസിയോടും ഇരു താരങ്ങളോടും ക്രിക്കറ്റ് ഓസ്ട്രേലിയ നന്ദി അറിയിച്ചു.
ഇരു താരങ്ങളോടും ടീം ഹഡിലില്‍ നിന്ന് മാറി നില്‍ക്കുവാനും ഡഗ് ഔട്ടില്‍ ഇരിക്കുന്നതില്‍ നിന്നും ക്രിക്കറ്റ് ഓസ്ട്രേലിയ വിലക്കിയിട്ടുണ്ട്.
