ശ്രീലങ്കയ്ക്കെതിരെയുള്ള ഒന്നാം ടെസ്റ്റില് കരുതുറ്റ നിലയില് ബംഗ്ലാദേശ്. ഇന്ന് മത്സരത്തിന്റെ ഒന്നാം ദിവസം അവസാനിക്കുമ്പോള് 302/2 എന്ന നിലയിലാണ് ബംഗ്ലാദേശ്. നജ്മുള് ഹൊസൈന് ഷാന്റോയും മോമിനുള് ഹക്കുമാണ് 150 റണ്സ് മൂന്നാം വിക്കറ്റില് നേടി ക്രീസിലുള്ളത്.
നജ്മുള് ഹൊസൈന് ഷാന്റെ 126 റണ്സും മോമിനുള് ഹക്ക് 64 റണ്സും നേടിയിട്ടുണ്ട്. സൈഫ് ഹസ്സനെ(0) നഷ്ടമായ ശേഷം ഷാന്റോയും തമീം ഇക്ബാലും 144 റണ്സാണ് രണ്ടാം വിക്കറ്റില് നേടിയത്. 90 റണ്സ് നേടിയ തമീം ഇക്ബാലിനെ വീഴ്ത്തി വിശ്വ ഫെര്ണാണ്ടോ മത്സരത്തിലെ തന്റെ രണ്ടാമത്തെ വിക്കറ്റ് നേടുകയായിരുന്നു.