അര്‍ദ്ധ ശതകം നേടി റിലീ റൂസോവ്, പിന്തുണയുമായി എബിഡി, റൈഡേഴ്സിന്റെ ജൈത്രയാത്ര തുടരുന്നു

ബംഗ്ലാദേശ് പ്രീമിയര്‍ ലീഗില്‍ രംഗ്പൂര്‍ റൈഡേഴ്സിന്റെ ജൈത്രയാത്ര തുടരുന്നു. റിലീ റുസോവും എബി ഡി വില്ലിയേഴ്സും തിളങ്ങിയ മത്സരത്തില്‍ ടീം ആറ് വിക്കറ്റ് ജയത്തിലേക്ക് നീങ്ങുകയായിരുന്നു. ലക്ഷ്യമായ 142 റണ്‍സ് 18.4 ഓവറില്‍ മറികടന്നാണ് റൈഡേഴ്സ് പോയിന്റുകള്‍ സ്വന്തമാക്കിയത്. 55 റണ്‍സ് നേടിയ റിലീ റൂസോവിനു പിന്തുണയായി എബി ഡി വില്ലിയേഴ്സ് 37 റണ്‍സ് നേടി ടീമിന്റെ വിജയം ഉറപ്പാക്കുകയായിരുന്നു.

നേരത്തെ ആദ്യം ബാറ്റ് ചെയ്ത രാജ്ഷാഹി കിംഗ്സിനു 141 റണ്‍സാണ് എട്ട് വിക്കറ്റുകളുടെ നഷ്ടത്തില്‍ 20 ഓവറില്‍ നിന്ന് നേടാനായത്. ലോറി ഇവാന്‍സ് റണ്‍സ് നേടിയപ്പോള്‍ ഖൈസ് അഹമ്മദ് 22 റണ്‍സ് നേടി. രംഗ്പൂറിനു വേണ്ടി ഫര്‍ഹദ് റീസ മൂന്ന് വിക്കറ്റ് നേടി ബൗളര്‍മാരില്‍ തിളങ്ങി.