കൊടുങ്കാറ്റായി എവിന്‍ ലൂയിസ്, 49 പന്തില്‍ നിന്ന് 109 നോട്ടൗട്ട്, ഹാട്രിക്കുമായി വഹാബ്, കോമില്ലയ്ക്ക് ജയം

ഖുല്‍ന ടൈറ്റന്‍സിനെതിരെ കൂറ്റന്‍ വിജയം നേടി കോമില്ല വിക്ടോറിയന്‍സ്. 80 റണ്‍സിനു വിജയം കുറിയ്ക്കുമ്പോള്‍ രണ്ട് വ്യക്തിഗത പ്രകടന മികവിലാണ് ടീമിന്റെ വിജയം ബാറ്റിംഗില്‍ ശതകം നേടിയ എവിന്‍ ലൂയിസും ബൗളിംഗില്‍ ഹാട്രിക് നേടിയ വഹാബ് റിയാസുമാണ് ടീമിന്റെ വിജയ ശില്പികള്‍. ആദ്യം ബാറ്റ് ചെയ്ത കോമില്ല 5 വിക്കറ്റ് നഷ്ടത്തില്‍ 237 റണ്‍സ് നേടിയപ്പോള്‍ 18.5 ഓവറില്‍ ഖുല്‍ന ടൈറ്റന്‍സ് ഓള്‍ഔട്ട് ആവുകയായിരുന്നു.

49 പന്തില്‍ നിന്ന് 10 സിക്സും 5 ബൗണ്ടറിയും സഹിതം 109 റണ്‍സുമായി എവിന്‍ ലൂയിസ് പുറത്താകാതെ നിന്നപ്പോള്‍ തമീം ഇക്ബാല്‍(25), ഇമ്രുള്‍ കൈസ്(39), ഷംസുര്‍ റഹ്മാന്‍(28*) എന്നിവരും ടീമിനായി ബാറ്റിംഗില്‍ തിളങ്ങി. ഖുല്‍നയ്ക്കായി മഹമ്മദുള്ളയും കാര്‍ലോസ് ബ്രാത്‍വൈറ്റും രണ്ട് വീതം വിക്കറ്റ് നേടി.

ബൗളിംഗില്‍ ഹാട്രിക്ക് നേട്ടവുമായി വഹാബ് റിയാസും മൂന്ന് വിക്കറ്റ് നേടി ഷാഹിദ് അഫ്രീദിയുമാണ് കോമില്ലയ്ക്കായി തിളങ്ങിയത്. 50 റണ്‍സ് നേടിയ ബ്രണ്ടന്‍ ടെയിലറാണ് ഖുല്‍ന ടൈറ്റന്‍സിന്റെ ടോപ് സ്കോറര്‍. ജുനൈദ് സിദ്ദിക്കി 27 റണ്‍സും കാര്‍ലോസ് ബ്രാത്‍വൈറ്റ് 22 റണ്‍സും നേടി.