2023ലെ ഏഷ്യാ കപ്പിന്റെ രണ്ടാം റൗണ്ടിലേക്ക് യോഗ്യത നേടുകയാണ് തങ്ങളുടെ പ്രാഥമിക ലക്ഷ്യമെന്ന് ബംഗ്ലാദേശ് മുഖ്യ പരിശീലകൻ ചന്ദിക ഹതുരുസിംഗ. വലിയ വെല്ലുവിളികൾ തങ്ങൾക്ക് മുന്നിലുണ്ടെന്നും എന്നാൽ അതിനായി തങ്ങൾ തയ്യാറാണെന്നും അദ്ദേഹം കൂട്ടിച്ചേർത്തു.
“തീർച്ചയായും, ആദ്യം രണ്ടാം റൗണ്ടിലേക്ക് യോഗ്യത നേടുക എന്നതാണ് ഞങ്ങളുടെ ലക്ഷ്യം. ശ്രീലങ്കയ്ക്കെതിരെയാണ് ഞങ്ങൾ ശ്രീലങ്കയിൽ കളിക്കുന്നത്. അവർ ഹോം ഗ്രൗണ്ടിൽ വളരെ നല്ല ടീമാണ്. പിന്നെ, ഞങ്ങൾ അഫ്ഗാനിസ്ഥാനെ പാകിസ്ഥാനിൽ വെച്ച് നേരിടും. ഞങ്ങൾക്ക് മുന്നിൽ വലിയ വെല്ലുവിളികളുണ്ട്, പക്ഷേ ഞങ്ങൾ അതിനായി തയ്യാറാണ്, ”ഹതുരുസിംഗ പറഞ്ഞു.
ഓഗസ്റ്റ് 31 ന് ശ്രീലങ്കയ്ക്കെതിരായ മത്സരത്തോടെയാണ് ബംഗ്ലാദേശ് ഏഷ്യാ കപ്പിന് തുടക്കമിടുന്നത്.