ഗോൾഫ് കളിക്കുമ്പോൾ ഏറ്റ പരിക്ക് കാരണം ലോകകപ്പ് നഷ്ടമാലും എന്ന് ഉറപ്പായ ഇംഗ്ലീഷ് താരം ബെയർസ്റ്റോ തന്റെ പരിക്കിനെ കുറിച്ച് ഇന്ന് കൂടുതൽ വിവരങ്ങൾ ആരാധകരുമായി പങ്കുവെച്ചു. ഇൻസ്റ്റഗ്രാമിൽ ഒരു നീളൻ പോസ്റ്റുമായാണ് ബെയർസ്റ്റോ തന്റെ വിഷമം പങ്കുവെച്ചു.
കാലിൽ ഫൈബുലയിൽ 3 പൊട്ടലുകൾ ഉണ്ട് എന്ന് ബെയർസ്റ്റോ പറഞ്ഞു. ലിഗമന്റിനും കണക്കാലിനും എല്ലാം പരിക്കുകൾ ഉണ്ടെന്നും താരം അറിയിച്ചു. സർജറികഴിഞ്ഞ് 3 ആഴ്ചയായി എന്നും പുരോഗതികൾ ഉണ്ടെന്നും താരം വ്യക്തമാക്കി.
അടുത്ത രണ്ട് ആഴ്ച നിർണായകം ആണെന്നും അദ്ദേഹം പറഞ്ഞു. 2022-ൽ ഒരു മത്സരത്തിലും താൻ ഉണ്ടാകും എന്ന് കരുതുന്നില്ല. 2023-ൽ ആകും തിരികെ കളത്തിൽ എത്തുക എന്നും ബെയർസ്റ്റോ പറഞ്ഞു. എല്ലായ്പ്പോഴും തനിക്ക് ഒപ്പം നിന്നവർക്ക് നന്ദി പറയുന്നതായും. ബെയർസ്റ്റോ കുറിച്ചു.