ഇന്ത്യയ്ക്കെതിരെയുള്ള ടി20 പരമ്പരയില് ബംഗ്ലാദേശ് ഓള്-റൗണ്ടര് മുഹമ്മദ് സൈഫുദ്ദീന് കളിക്കില്ലെന്ന് സൂചന. താരത്തിന്റെ പുറം വേദന മാറാത്തതാണ് ഇതിന് കാരണമെന്നാണ് വിലയിരുത്തപ്പെടുന്നത്. ഇന്ത്യയ്ക്കെതിരെയുള്ള ബംഗ്ലാദേശ് സ്ക്വാഡ് പ്രഖ്യാപിച്ചപ്പോള് താരത്തിനെ ഉള്പ്പെടുത്തിയെങ്കിലും ഏറ്റവും പുതിയ സ്കാന് റിപ്പോര്ട്ടുകളിലും കാര്യങ്ങള് അത്ര ശുഭസൂചകമല്ലെന്നതാണ് അറിയുവാന് കഴിയുന്നത്.
വരും ദിവസങ്ങളില് ഫിസിയോ ജൂലിയനോട് ചര്ച്ച ചെയ്ത ശേഷമാവും അന്തിമ തീരുമാനം എടുക്കുകയെന്നാണ് ചീഫ് സെലക്ടര് മിന്ഹാജുല് അബേദിന് വ്യക്തമാക്കിയത്. എന്നാല് താരത്തിന് പങ്കെടുക്കുവാനാകില്ലെന്ന് ഏറെക്കുറെ ഉറപ്പാണെന്നും അദ്ദേഹം വ്യക്തമാക്കി. ശ്രീലങ്കന് ടൂറിനുള്ള സ്ക്വാഡിലും താരത്തെ ഉള്പ്പെടുത്തിയെങ്കിലും അവസാന നിമിഷം ഇത്തരത്തില് താരം പിന്മാറുകയായിരുന്നു.