ഐ സി സി ഏകദിന റാങ്കിംഗിൽ ഗില്ലിന്റെ പോയിന്റ് വർധിച്ചു. രണ്ടാം സ്ഥാനത്ത് തുടരുന്ന ഗിൽ ബാബർ അസവുമായുള്ള പോയിന്റ് വ്യത്യാസം കുറച്ചു. ഇനി ഇരുവരും തമ്മിൽ 43 പോയിന്റ് മാത്രമേ ഉള്ളൂ. ഒന്നാം സ്ഥാനത്തുള്ള ബാബർ അസമിന് ഏഷ്യാ കപ്പിൽ അത്ര നല്ല പ്രകടനം നടത്താൻ ആയിരുന്നില്ല.
2023ൽ ഏകദിന ഫോർമാറ്റിൽ ഗില്ലിന് അസാധാരണമായ പ്രകടനം കാഴ്ചവെക്കാൻ ഇതുവരെ ആയിട്ടുണ്ട്. 1000ൽ അധികം റൺ അദ്ദേഹം ഈ വർഷം നേടി. ഈ കഴിഞ്ഞ ഏഷ്യാ കപ്പിൽ ഏറ്റവും കൂടുതൽ റൺസ് നേടിയ താരമായി അദ്ദേഹം മാറിയിരുന്നു. ഓസ്ട്രേലിയൻ പരമ്പരയിൽ കൂടെ ഈ നല്ല പ്രകടനം തുടർന്നാൽ ബാബറിനെ മറികടക്കാൻ ഗില്ലിന് ആയേക്കും.
ബാബറിന് ഇപ്പോൾ 857 പോയിന്റാണുള്ളത്. ഗില്ലിന് 813 പോയിന്റും.