പാക്കിസ്ഥാന്റെ ആദ്യ ഇന്നിംഗ്സിൽ ശ്രീലങ്കയുടെ ലീഡ് 4 റൺസാക്കി കുറയ്ക്കുവാന് സഹായിച്ചതിന് വാലറ്റക്കാര്ക്ക് നന്ദി പറഞ്ഞ് പാക്കിസ്ഥാന് നായകന് ബാബര് അസം. പ്രത്യേകിച്ച് നസീം ഷായുടെ പ്രകടനം ഏറെ പ്രശംസ അര്ഹിക്കുന്നതാണെന്നും അസം വ്യക്തമാക്കി.
ശ്രീലങ്കയ്ക്കെതിരെ ആദ്യ ഇന്നിംഗ്സിൽ ബൗളര്മാര് മികച്ച രീതിയിൽ പന്തെറിഞ്ഞ് 222 റൺസിന് എതിരാളികളെ ഒതുക്കിയെങ്കിലും പാക്കിസ്ഥാന് തകരുകയായിരുന്നു. ബാബര് അസം – നസീം ഷാ അവസാന വിക്കറ്റഅ കൂട്ടുകെട്ടിൽ താരം 52 പന്തുകള് നേരിട്ട് അഞ്ച് റൺസാണ് നേടിയത്. 70 റൺസാണ് അവസാന വിക്കറ്റിൽ ബാബര് അസം ഷായെ കൂട്ടുപിടിച്ച് നേടിയത്.
85/7 എന്ന നിലയിൽ നിന്ന് യസീര് ഷാ, ഹസന് അലി എന്നിവരും പാക്കിസ്ഥാന് വേണ്ടി ബാബറിന് പിന്തുണ നൽകി. താരം 119 റൺസ് നേടി അവസാന വിക്കറ്റായാണ് പുറത്തായത്.
