ക്രൈസ്റ്റ്ചര്ച്ചിലെ പാക്കിസ്ഥാന്റെ ചെറുത്ത്നില്പിന് അവസാനം കുറിച്ച് ന്യൂസിലാണ്ട്. ഒന്നാം ദിവസത്തെ അവസാന സെഷനില് ടീം 297 റണ്സിന് ഓള്ഔട്ട് ആകുകയായിരുന്നു. ന്യൂസിലാണ്ടിന് വേണ്ടി കൈല് ജാമിസണ് അഞ്ച് വിക്കറ്റ് നേട്ടം സ്വന്തമാക്കിയപ്പോള് പാക്കിസ്ഥാന് നിരയില് അസ്ഹര് അലിയ്ക്ക് തന്റെ ശതകം നഷ്ടമായി.
93 റണ്സാണ് താരം നേടിയത്. മുഹമ്മദ് റിസ്വാന്(61), ഫഹീം അഷ്റഫ്(48), സഫര് ഗോഹര്(34) എന്നിവരും നിര്ണ്ണായക പ്രകടനങ്ങള് നടത്തി. അഞ്ചാം വിക്കറ്റില് 88 റണ്സ് നേടിയ റിസ്വാന്-അസ്ഹര് അലി കൂട്ടുകെട്ടിന് ശേഷം അസ്ഹര് അലിയും ഫഹീം അഷ്റഫും 56 റണ്സ് ആറാം വിക്കറ്റില് നേടിയിരുന്നു. ഫഹീമും സഫര് ഗോഹറും പുറത്തായ ശേഷം അധികം വൈകാതെ പാക്കിസ്ഥാന് ഇന്നിംഗ്സ് അവസാനിക്കുകയായിരുന്നു.
ന്യൂസിലാണ്ട് നിരയില് ജാമിസണിന് പുറമെ ടിം സൗത്തി, ട്രെന്റ് ബോള്ട്ട് എന്നിവരും രണ്ട് വീതം വിക്കറ്റ് നേടി. മാറ്റ് ഹെന്റിയും വിക്കറ്റ് പട്ടികയില് ഇടം പിടിച്ചു.