ഓസ്ട്രേലിയയ്ക്കെതിരെ മൂന്നാം ഏകദിനത്തിൽ വെസ്റ്റിന്ഡീസിന് കനത്ത തോൽവി. മത്സരത്തിൽ ആദ്യം ബാറ്റ് ചെയ്ത വെസ്റ്റിന്ഡീസ് 86 റൺസിന് ഓള്ഔട്ട് ആകുകയായിരുന്നു. 6.5 ഓവറിൽ ഓസ്ട്രേലിയ 8 വിക്കറ്റ് വിജയം നേടി പരമ്പര 3-0ന് തൂത്തുവാരി.
32 റൺസ് നേടിയ അലിക് അത്താന്സേ മാത്രമാണ് വിന്ഡീസ് നിരയിൽ പിടിച്ച് നിന്നത്. 24.1 ഓവറിൽ വിന്ഡീസ് ഓള്ഔട്ട് ആയപ്പോള് ഓസ്ട്രേലിയയ്ക്കായി സേവിയര് ബാര്ലെറ്റ് 4 വിക്കറ്റ് നേടി.
6.5 ഓവറിൽ ആണ് ഓസ്ട്രേലിയ വിജയം കുറിച്ചത്. 18 പന്തിൽ 41 റൺസ് നേടി ജേക്ക് ഫ്രേസര്-മക്ഗുര്ക്കും 16 പന്തിൽ 35 റൺസുമായി പുറത്താകാതെ നിന്ന ജോഷ് ഇംഗ്ലിസും ആണ് ആതിഥേയര്ക്കായി തിളങ്ങിയത്.