സിഡ്നി ടെസ്റ്റില് ഇന്ത്യയ്ക്ക് 407 റണ്സ് വിജയ ലക്ഷ്യം നല്കി ഓസ്ട്രേലിയ. തങ്ങളുടെ രണ്ടാം ഇന്നിംഗ്സ് 312/6 എന്ന നിലയില് ഡിക്ലയര് ചെയ്യുകയായിരുന്നു ഓസ്ട്രേലിയ. സ്റ്റീവ് സ്മിത്ത്(81), കാമറൂണ് ഗ്രീന്(84) എന്നിവരുടെ വിക്കറ്റുകളാണ് ഓസ്ട്രേലിയയ്ക്ക് നഷ്ടമായത്. ടിം പെയിന് 39 റണ്സുമായി പുറത്താകാതെ നിന്നു.
ലഞ്ചിന് ശേഷം അധികം വൈകാതെ ഓസ്ട്രേലിയയ്ക്ക് സ്മിത്തിനെ നഷ്ടമാകുകയായിരുന്നു. 81 റണ്സ് നേടിയ താരത്തെ പുറത്താക്കിയത് അശ്വിന് ആയിരുന്നു. പിന്നീട് ടിം പെയിനുമായി ചേര്ന്ന് 104 റണ്സ് കൂട്ടുകെട്ട് നേടിയ ശേഷം ജസ്പ്രീത് ബുംറ സാഹയുടെ കൈകളില് ഗ്രീനിനെ എത്തിച്ചപ്പോള് ടിം പെയിന് ഓസ്ട്രേലിയന് ഇന്നിംഗ്സ് അവസാനിപ്പിക്കാമെന്ന് തീരുമാനിക്കുകയായിരുന്നു.