ന്യൂസിലൻഡിന് എതിരായ രണ്ടാം ടി20യിൽ ആദ്യം ബാറ്റു ചെയ്ത ഓസ്ട്രേലിയ 20 ഓവറിൽ 174ന് ഓളൗട്ട്. ആക്രമിച്ചു കളിച്ചു എങ്കിലും ട്രാവിസ് ഹെഡിന് അല്ലാതെ വേറെ ഒരു ബാറ്റർക്കും നല്ല സ്കോർ നേടാൻ ആകാത്തത് വലിയ സ്കോറിൽ എത്തുന്നതിൽ നിന്ന് ഓസ്ട്രേലിയയെ തടഞ്ഞു. ട്രാവിസ് ഹെഡ് 22 പന്തിൽ നിന്ന് 45 റൺസ് എടുത്താണ് പുറത്തായത്.
11 റൺസ് എടുത്ത സ്മിത്ത്, 6 റൺസ് എടുത്ത മാക്സ്വെൽ, 5 റൺസ് എടുത്ത ജോഷ് ഇംഗ്ലിസ് എന്നിവർ നിരാശപ്പെടുത്തി. മിച്ച് മാർഷ് 26 റൺസും ടിം ഡേവിഡ് 17 റൺസും എടുത്തു. അവസാനം 22 പന്തിൽ 28 റൺസ് എടുത്ത പാറ്റ് കമ്മിൻസ് ഓസ്ട്രേലിയയെ നല്ല സ്കോറിൽ എത്താൻ സഹായിച്ചു.
ന്യൂസിലൻഡിനായി ലോകി ഫെർഗൂസൺ നാല് വിക്കറ്റും, ആദം മിൽനെ,, ബെൻ സിയേർസ്, സാന്റ്നർ എന്നിവർ രണ്ട് വിക്കറ്റുകൾ വീതവും വീഴ്ത്തി.