പരിക്കേറ്റ് ഏഷ്യ കപ്പ് ടീമിൽ നിന്ന് പുറത്തായെങ്കിലും പാക്കിസ്ഥാന്‍ സംഘത്തിനൊപ്പം ഷഹീന്‍ അഫ്രീദിയും യുഎഇയിലേക്ക് യാത്രയായി. താരം ടീമിനൊപ്പം നെതര്‍ലാണ്ട്സ് പരമ്പരയിലും ഉണ്ടായിരുന്നു. ലഭിയ്ക്കുന്ന വിവരം പ്രകാരം ബാബര്‍ അസം ആവശ്യപ്പെട്ടിട്ടാണ് ഷഹീന്‍ അഫ്രീദി ടീമിനൊപ്പം യാത്ര ചെയ്യുന്നതെന്നാണ് അറിയുന്നത്.
ബാബര്‍ ആണ് ഈ കാര്യം ആവശ്യപ്പെട്ടതെന്നും ടീം മാനേജ്മെന്റ് ഷഹീന്‍ അഫ്രീദിയുടെ പരിക്ക് അടുത്ത് നിന്ന് നിരീക്ഷിച്ച് വരികയാണെന്നും അതിന് വേണ്ടി ടീമിനൊപ്പം താരം ദുബായിയിൽ തുടരുമെന്നാണ് ലഭിയ്ക്കുന്ന വിവരം.
