ഇന്നലെ മഴ വന്നത് പാകിസ്താന് രക്ഷയായി എന്ന് മുൻ പാകിസ്താൻ ബൗളർ ഷുഹൈബ് അക്തർ. ഇന്നലെ മത്സദവേദിയിൽ വെച്ച് മാധ്യമങ്ങളോട് സംസാരിക്കുക ആയിരുന്നു അക്തർ. ഇന്ത്യ ബാറ്റു കൊണ്ട് ശക്തമായ നിലയിൽ നിൽക്കെ ആയിരുന്നു മഴ പ്രശ്നമായി എത്തിയത്.
“മഴ ഞങ്ങളെ രക്ഷിച്ചു, ആദ്യ മത്സരത്തിൽ മഴ ഇന്ത്യയെ രക്ഷിച്ചു, പക്ഷേ ഇന്ന് മഴ ഞങ്ങളെ രക്ഷിച്ചു” അക്തർ പറഞ്ഞു. ഇന്നലെ ഇന്ത്യ മുന്നൂറിനു മുകളിലേക്ക് ഒരു സ്കോറിലേക്ക് പോകും എന്ന് തോന്നിപ്പിച്ച സമയത്തായിരുന്നു മഴ എത്തിയത്. ഇന്ന് അതേ സ്കോറിൽ ഈ കളി പുനരാരംഭിക്കാനാകും എന്നാണ് പ്രതീക്ഷിക്കുന്നത്.
നേരത്തെ ഇന്ത്യയും പാകിസ്താനും ഗ്രൂപ്പ് ഘട്ടത്തിൽ ഏറ്റുമുട്ടിയപ്പോഴും മഴ പ്രശ്നമായിരുന്നു. അന്ന് ഇന്ത്യ വലിയ ടോട്ടൽ ആദ്യ ഇന്നിംഗ്സിൽ ഉയർത്തിയിരുന്നില്ല. മഴ കാരണം അന്ന് രണ്ടാം ഇന്നിങ്സ് നടന്നിരുന്നില്ല. അന്ന് കളി ഉപേക്ഷിക്കേണ്ടതായി വന്നിരുന്നു