Category: Asia Cup

ചൊവ്വാഴ്ച ഇന്ത്യക്ക് എതിരെ ശ്രീലങ്കയ്‌ക്കായി വെല്ലലഗെ ഒരു അത്ഭുതകരമായ പ്രകടനമായിരുന്നു കാഴ്ചവെച്ചത്‌. അഞ്ച് വിക്കറ്റ് വീഴ്ത്തുകയും 46 പന്തിൽ പുറത്താകാതെ 42 റൺസ് നേടുകയും ചെയ്ത താരത്തിന്റെ പ്രകടനം മികച്ചതായിരുന്നു എന്ന് രാഹുൽ പറഞ്ഞു. എന്നാൽ അടുത്ത മത്സരത്തിൽ ഇന്ത്യ വെല്ലലാഗെയെ നേരിടുമ്പോൾ അദ്ദേഹത്തിനെതിരെ ഇന്ത്യ പോകും എന്ന് പറഞ്ഞു.

“അഞ്ച് വിക്കറ്റ് വീഴ്ത്തി ടീമിന് വേണ്ടി നല്ല ജോലി അദ്ദേഹം ചെയ്തു. ശ്രീലങ്കൻ ആക്രമണത്തിൽ നിന്ന് ഏറ്റവും അപകടകാരിയായ ബൗളറായി അദ്ദേഹത്തെ ആണ് തോന്നിയത്. അസലങ്കയും പിന്നീട് കുറച്ച് വിക്കറ്റുകൾ വീഴ്ത്തി.’ രാഹുൽ പറഞ്ഞു. ” അടുത്ത തവണ ശ്രീലങ്കയ്ക്ക് എതിരെ കളിക്കുമ്പോൾ ഞങ്ങൾ അവനെ നന്നായി നേരിടും”രാഹുൽ പറഞ്ഞു

ഏഷ്യാ കപ്പിലെ സൂപ്പർ-4 ടൈയിൽ ശ്രീലങ്കയ്‌ക്കെതിരായ ഇന്ത്യയുടെ ബാറ്റിംഗ് പ്രകടനം മോശമായിരുന്നു എന്ന് ഗംഭീർ. ഇന്ത്യയിൽ നിന്ന് മികച്ച പ്രകടനം പ്രതീക്ഷിക്കുന്നതായുൻ മുൻ ഇന്ത്യൻ ഓപ്പണിംഗ് ബാറ്റർ ഗൗതം ഗംഭീർ പറഞ്ഞു.

“ഇത് ഒരു മാതൃകയായി മാറുകയാണ്. ഓസ്‌ട്രേലിയയ്‌ക്കെതിരെ ചെന്നൈയിൽ നടന്ന ആ മത്സരത്തിൽ പന്ത് അൽപ്പം സ്പിന്ന് ചെയ്തപ്പീൾ ഇന്ത്യ സ്പിന്നർമാരായ ആദം സാമ്പയെയും ആഷ്ടൺ അഗറിനെയും പോലെയുള്ളവർക്ക് മുന്നിൽ പതറിയിരുന്നു. 260-ഓളം റൺസ് പിന്തുടരാൻ ഞങ്ങൾക്ക് കഴിഞ്ഞില്ല.” ഗംഭീർ പറഞ്ഞു.

“പന്ത് സ്പിൻ ചെയ്യുമ്പോൾ ഞങ്ങൾ പതറുന്നു, ഇന്ത്യ ഗെയിം അവസാനത്തേക്ക് കൊണ്ടുപോകാൻ കഴിയുമോ എന്ന് പോലും ഞങ്ങൾക്ക് അറിയില്ല, ”ഗംഭീർ പറഞ്ഞു.

“ഇത് 350 റൺസിന്റെ വിക്കറ്റ് ആയിരുന്നില്ല, എങ്കിലും 270 റൺസ് എടുക്കാമായിരുന്നു. വിരാട് കോഹ്‌ലിയുടെയും കെഎൽ രാഹുലിന്റെയും പുറത്താവൽ സോഫ്റ്റ് ആയിരുന്നു, രോഹിത് ശർമ്മയും ഗില്ലും പുറത്തായത് മികച്ച പന്തിൽ ആയിരുന്നു‌‌. ഇന്ത്യൻ ബാറ്റർമാരിൽ നിന്ന് മികച്ചത് നിങ്ങൾ പ്രതീക്ഷിക്കുന്നു, ”ഗംഭീർ കൂട്ടിച്ചേർത്തു.

ഇന്നലെ ഇന്ത്യയ്‌ക്കെതിരെ ശ്രീലങ്ക 42 റൺസനു തോറ്റു എങ്കിലും കളിയിൽ താരമായത് 20കാരനായ ഓൾറൗണ്ടർ ദുനിത് വെല്ലലാഗേ ആയിരുന്നു. ഇന്ത്യക്ക് എതിരെ 5 വിക്കറ്റുകൾ വീഴ്ത്തുക മാത്രമല്ല 46 റൺസിൽ 42 റൺസുമായി പുറത്താകാതെ നിന്ന് ഇന്ത്യയെ ബാറ്റു കൊണ്ടും താരം വിറപ്പിച്ചു. മത്സര ശേഷം ക്യാപ്റ്റൻ ദസുൻ ഷനക വെല്ലല്ലാഗേയെ അഭിനന്ദിക്കുകയും വെല്ലലഗെ ഇന്ത്യയ്‌ക്കെതിരെ എന്തെങ്കിലും അത്ഭുതം കാണിക്കാൻ പോവുകയാണെന്ന് തനിക്ക് തോന്നിയിരുന്നു എന്നും പറഞ്ഞു.

“ബംഗ്ലാദേശിനെതിരായ അവസാന മത്സരത്തിന് ശേഷം, വെല്ലലഗെക്ക് എന്തെങ്കിലും സ്പെഷ്യൽ ആയി ചെയ്യാൻ കഴിയുമെന്ന് എനിക്ക് തോന്നി. ഇന്ന് അദ്ദേഹം അത് ചെയ്തു. കൂടാതെ വിരാട് കോഹ്‌ലിയുടെയും രോഹിത് ശർമ്മയുടെയും വിക്കറ്റുകളും നേടി,” കളി അവസാനിച്ചതിന് ശേഷം ഷനക പറഞ്ഞു.

ഇന്നലെ പരാജയപ്പെട്ടു എങ്കിലും ശ്രീലങ്കയ്ക്ക് അടുത്ത മത്സരത്തിൽ പാകിസ്താനെ തോൽപ്പിച്ചാൽ ഫൈനലിലേക്ക് മുന്നേറാം.

ഏഷ്യ കപ്പിൽ ഇന്നത്തെ സൂപ്പര്‍ 4 മത്സരത്തിൽ ബാറ്റിംഗ് തകര്‍ച്ച നേരിട്ട് ഇന്ത്യ. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യയ്ക്ക് മികച്ച തുടക്കമാണ് രോഹിത് ശര്‍മ്മയും ശുഭ്മന്‍ ഗില്ലും നൽകിയത്. ഒന്നാം വിക്കറ്റിൽ 80 റൺസ് നേടിയ ശേഷം ഗില്ലിനെ വെല്ലാലാഗേ പുറത്താക്കിയപ്പോള്‍ പിന്നീട് കണ്ടത് ഇന്ത്യ ചീട്ട് കൊട്ടാരം പോലെ തകരുന്നതാണ്.

19 റൺസ് നേടിയ ഗില്ലിന് പിന്നാലെ വെല്ലാലാഗേയുടെ അടുത്ത ഓവറിൽ വിരാട് കോഹ്‍ലി പുറത്തായപ്പോള്‍ അതിന്റെ തൊട്ടടുത്ത ഓവറിൽ രോഹിത് ശര്‍മ്മയുടെ വിക്കറ്റ് നേടി വെല്ലാലാഗേ ഇന്ത്യയെ കൂടുതൽ പ്രതിരോധത്തിലാക്കി. 53 റൺസായിരുന്നു രോഹിത്തിന്റെ സംഭാവന. 80/0 എന്ന നിലയിൽ നിന്ന് 91/3 എന്ന നിലയിലേക്ക് വീണ ഇന്ത്യയെ ഇഷാന്‍ കിഷനും കെഎൽ രാഹുലും ചേര്‍ന്ന് മുന്നോട്ട് നയിച്ചുവെങ്കിലും 39 റൺസ് നേടിയ രാഹുലിനെ വെല്ലാലാഗേ പുറത്താക്കുകയായിരുന്നു. ഇഷാന്‍ കിഷനെ(33) അസലങ്ക പുറത്താക്കിയപ്പോള്‍ ഇന്ത്യ 170/5 എന്ന നിലയിലേക്ക് വീണു.

പിന്നീട് അസലങ്ക ഇന്ത്യയുടെ അവശേഷിക്കുന്ന വിക്കറ്റുകള്‍ പിഴുതെടുത്തപ്പോള്‍ ഇന്ത്യ 47 ഓവറിൽ 197/9 എന്ന നിലയിൽ നിൽക്കുമ്പോള്‍ മഴ കളി തടസ്സപ്പെടുത്തുകയായിരുന്നു. വെല്ലാലാഗേ അഞ്ചും അസലങ്ക നാല് വിക്കറ്റും നേടി. പിന്നീട് മഴ മാറി മത്സരം പുരോഗമിച്ചപ്പോള്‍ ഇന്ത്യ 213 റൺസിന് പുറത്തായി. 26 റൺസുമായി അക്സര്‍ പട്ടേൽ ആണ് ഇന്ത്യയുടെ സ്കോര്‍ 200 കടക്കുവാന്‍ സഹായിച്ചത്. താരത്തെ മഹീഷ് തീക്ഷണയാണ് പുറത്താക്കിയത്.

ഏഷ്യ കപ്പിലെ സൂപ്പര്‍ 4ലെ മത്സരത്തിൽ ഇന്ന് ഇന്ത്യയും ലങ്കയും ഏറ്റുമുട്ടും. ഇന്നത്തെ മത്സരത്തിൽ ടോസ് നേടി രോഹിത് ശര്‍മ്മ തിരഞ്ഞെടുക്കുകയായിരുന്നു. ഇന്നലെ പാക്കിസ്ഥാനെതിരെ 228 റൺസിന്റെ കൂറ്റന്‍ വിജയത്തിന്റെ ആത്മവിശ്വാസത്തിലാണ് ഇന്ത്യയെത്തുന്നത്. 14 ഏകദിന വിജയങ്ങളോടെ നിൽക്കുന്ന ശ്രീലങ്കയെ നാട്ടിൽ പരാജയപ്പെടുത്തുക എന്ന ശ്രമകരമായ ലക്ഷ്യമാണ് ഇന്ത്യയ്ക്ക് മുന്നിലുള്ളത്.

മത്സരത്തിൽ ഇന്ത്യയ്ക്കായി ശ്രേയസ്സ് അയ്യര്‍ കളിക്കില്ല എന്ന് നേരത്തെ തന്നെ വിവരം പുറത്ത് വന്നിരുന്നു.