ഇന്ത്യന് താരങ്ങളുടെയത്ര ക്രിക്കറ്റ് വൈദഗ്ദ്യം പാക്കിസ്ഥാന് താരങ്ങള്ക്കില്ലായെന്നും അത് തന്നെയാണ് ഇരു ടീമുകളും തമ്മിലുള്ള വ്യത്യാസമെന്ന് അഭിപ്രായപ്പെട്ട് പാക്കിസ്ഥാന് നായകന് സര്ഫ്രാസ് അഹമ്മദ്. ഗ്രൂപ്പ് ഘട്ടത്തിലും സൂപ്പര് ഫോറിലുമായി രണ്ട് മത്സരങ്ങളിലാണ് ഏഷ്യ കപ്പില് പാക്കിസ്ഥാന് ഇന്ത്യയോട് പരാജയപ്പെട്ടത്. പാക് ഫീല്ഡര്മാര് ക്യാച്ചുകള് കൈവിടുക കൂടി ചെയ്തപ്പോള് പാക്കിസ്ഥാനു കാര്യങ്ങള് കൂടുതല് കടുപ്പമേറിയത് ആവുകയായിരുന്നു.
സര്ഫ്രാസ് അഹമ്മദ്-ഷൊയ്ബ് മാലിക്ക് കൂട്ടുകെട്ടിന്റെ പ്രകടന മികവാണ് പാക്കിസ്ഥആനെ 237 റണ്സിലേക്ക് എത്തിക്കുവാന് സഹായിച്ചത്. ഇന്ത്യന് ഓപ്പണര്മാരുടെ ഒറ്റയാള് പ്രകടനത്തിനു പിന്തുണയായി പാക് ഫീല്ഡിംഗ് കൂടി എത്തിയപ്പോള് ഇന്ത്യ അനായാസ വിജയത്തിലേക്ക് കുതിച്ചു. ക്യാച്ചുകള് ഇത്തരത്തില് കൈവിടുകയാണെങ്കില് ടീമിനു വിജയം എന്നത് ചിന്തിക്കുവാനെ പാടില്ലെന്നാണ് പാക് നായകന് അഭിപ്രായപ്പെട്ടത്. ഫീല്ഡിംഗ് കഴിഞ്ഞ കുറേ കാലമായി പാക്കിസ്ഥാന് മെച്ചപ്പെടുത്തല് വരുത്തിയ മേഖലയാണ് എന്നാല് ഇപ്പോള് ഏഷ്യ കപ്പിനിടെ എന്താണ് ടീമിനു സംഭവിച്ചതെന്നാണ് തനിക്കും അറിയാത്തതെന്ന് സര്ഫ്രാസ് അഹമ്മദ് കൂട്ടിചേര്ത്തു.
