അഫ്ഗാനിസ്ഥാന്‍ ടീമില്‍ നിറയെ തെരുവു മാന്ത്രികന്മാര്‍ – മഹേല ജയവര്‍ദ്ധേന

- Advertisement -

ഏഷ്യ കപ്പില്‍ ശ്രീലങ്കയുടെയും ബംഗ്ലാദേശിന്റെയും ഒപ്പം ഗ്രൂപ്പ് ബിയിലെ മൂന്നാമത്തെ ടീമായ അഫ്ഗാനിസ്ഥാനെ പുകഴ്ത്തി മുന്‍ ശ്രീലങ്കന്‍ നായകന്‍ മഹേല ജയവര്‍ദ്ധേന. തങ്ങളുടെ ആദ്യ മത്സരത്തില്‍ സെപ്റ്റംബര്‍ 17നു ശ്രീലങ്കയെ നേരിടുന്ന അഫ്ഗാനിസ്ഥാന്റെ അടുത്ത മത്സരം സെപ്റ്റംബര്‍ 20നു ബംഗ്ലാദേശ് ആണ് എതിരാളികള്‍.

വൈവിധ്യമാര്‍ന്ന താരങ്ങളുടെ സാന്നിധ്യം കൊണ്ട് നിറഞ്ഞ അഫ്ഗാനിസ്ഥാന്‍ ടീമിനെക്കുറിച്ച് മഹേല ജയവര്‍ദ്ധേന പറഞ്ഞത് തെരുവു മാന്ത്രികന്മാരുടെ സാന്നിധ്യമുള്ള ടീമെന്നാണ്. അടുത്തിടെ മികച്ച ഫോമിലുള്ള അഫ്ഗാനിസ്ഥാന്‍ ഏകദിനങ്ങളിലും ടി20കളിലും തങ്ങളുടെ മികവ് കാഴ്ചവെച്ചിട്ടുണ്ട്. ടൂര്‍ണ്ണമെന്റില്‍ നിഗൂഢത നിറഞ്ഞ ടീമാണ് അഫ്ഗാനിസ്ഥാനെന്നും മുന്‍ ശ്രീലങ്കന്‍ താരം അഭിപ്രായപ്പെട്ടു.

ഈ ടൂര്‍ണ്ണമെന്റിലൂടെ ഇനിയും പുതിയ കണ്ടെത്തലുകള്‍ അഫ്ഗാനിസ്ഥാന്‍ നടത്തുമെന്നും ജയവര്‍ദ്ധേന പറഞ്ഞു. ഏഷ്യയില്‍ നിന്നുള്ള അഞ്ചാം ശക്തിയായി അഫ്ഗാനിസ്ഥാന്‍ ലോക ക്രിക്കറ്റില്‍ തങ്ങളുടെ സാന്നിധ്യം ഉടനുറപ്പിക്കുമെന്നും മഹേല അഭിപ്രായപ്പെട്ടു.

Advertisement