ഏഷ്യാ കപ്പ് 2025-നുള്ള ഇന്ത്യൻ ടീമിൽ ശുഭ്മാൻ ഗിൽ, യശസ്വി ജയ്സ്വാൾ, സായി സുദർശൻ എന്നിവർക്ക് ഇടം ലഭിക്കാൻ സാധ്യത. സെപ്റ്റംബർ 9-ന് യു.എ.ഇ-യിൽ ആരംഭിക്കുന്ന ഈ പ്രധാന ടൂർണമെൻ്റിനായുള്ള ടീമിൽ ഇവരെ ഉൾപ്പെടുത്താൻ ഗംഭീർ ആഗ്രഹിക്കുന്നുണ്ട്.
പി.ടി.ഐ റിപ്പോർട്ടുകൾ അനുസരിച്ച്, കഴിഞ്ഞ ഐ.പി.എല്ലിൽ മികച്ച പ്രകടനം കാഴ്ചവെച്ച ഈ മൂന്ന് ബാറ്റർമാരും സെലക്ടർമാരുടെ പദ്ധതികളിലുണ്ട്. ബി.സി.സി.ഐ ഓഗസ്റ്റ് മൂന്നാം വാരത്തോടെ ഔദ്യോഗിക ടീമിനെ പ്രഖ്യാപിക്കുമെന്നാണ് പ്രതീക്ഷിക്കുന്നത്. ഇവർ മൂന്നു പേരും ഓപ്പണർമാർ ആണ് എന്നിരിക്കെ അത് സഞ്ജുവിന്റെ ടി20 ടീമിലെ സ്ഥാനം തെറിക്കാനും കാരണമായേക്കും. ഗംഭീര വന്നത് മുതൽ സഞ്ജു ആയിരുന്നു ഇന്ത്യയുടെ ടി20യിലെ ഓപ്പണർ.
ആറ് മാസത്തിനുള്ളിൽ വരാനിരിക്കുന്ന ടി20 ലോകകപ്പ് കണക്കിലെടുക്കുമ്പോൾ, ഏഷ്യാ കപ്പിലെ പ്രകടനം എല്ലാവർക്കും നിർണായകമാകും.