ടോപ് ഓര്‍ഡറിലെ മൂന്ന് വിക്കറ്റും ജോഫ്ര ആര്‍ച്ചറിന്, പരമ്പരയില്‍ മാത്രം എഴുന്നൂറിലധികം റണ്‍സുമായി സ്മിത്ത്

ഓപ്പണര്‍മാര്‍ക്ക് പിന്നാലെ 48 റണ്‍സ് നേടിയ മാര്‍നസ് ലാബൂഷാനെയെയും പുറത്താക്കി ജോഫ്ര ആര്‍ച്ചര്‍ ഓസ്ട്രേലിയയ്ക്ക് കനത്ത തിരിച്ചടി നല്‍കിയപ്പോള്‍ സ്റ്റീവ് സ്മിത്ത് പതിവ് പോലെ തന്റെ മികച്ച ഫോം തുടരുന്നതാണ് ആഷസിലെ അഞ്ചാം ടെസ്റ്റായ ഓവലിലെ രണ്ടാം ദിവസം കണ്ടത്.

32 ഓവറില്‍ നിന്ന് 100/3 എന്ന നിലയിലാണ് ഓസ്ട്രേലിയ. ഈ ആഷസില്‍ എഴുനൂറിലധികം റണ്‍സ് നേടുന്ന താരമായി ഇതിനിടെ സ്മിത്ത് മാറി. 36 റണ്‍സുമായി നില്‍ക്കുന്ന സ്മിത്തിനൊപ്പം 7 റണ്‍സുമായി മാത്യു വെയിഡാണ് ക്രീസില്‍.