മഴയ്ക്ക് ശമനമില്ല, ഒന്നാം ദിവസത്തെ രണ്ടാം സെഷനിലും കളി നടന്നില്ല

സിഡ്നിയിൽ ആദ്യ ദിവസം തന്നെ രസംകൊല്ലിയായി മഴ. ഇന്ന് ടോസ് നേടി ബാറ്റിംഗ് തിരഞ്ഞെടുത്ത ഓസ്ട്രേലിയ 56/1 എന്ന നിലയിലാണ് 21.4 ഓവറിൽ. 30 റൺസ് നേടിയ ഡേവിഡ് വാര്‍ണറുടെ വിക്കറ്റാണ് ഓസ്ട്രേലിയയ്ക്ക് നഷ്ടമായത്. സ്റ്റുവര്‍ട് ബ്രോഡിനാണ് വിക്കറ്റ്.

14 റൺസുമായി മാര്‍ക്കസ് ഹാരിസും റണ്ണൊന്നുമെടുക്കാതെ മാര്‍നസ് ലാബൂഷാനെയുമാണ് ആതിഥേയര്‍ക്കായി ക്രീസിലുള്ളത്.