Category: Ashes

ആഷസിൽ ലോര്‍ഡ്സിലെ രണ്ടാം ദിവസം അവസാനിക്കുമ്പോള്‍ ഒന്നാം ഇന്നിംഗ്സിൽ ഓസ്ട്രേലിയയെ 416 റൺസിൽ പുറത്താക്കിയ ശേഷം ബാറ്റിംഗിനിറങ്ങിയ ഇംഗ്ലണ്ട് 278/4 എന്ന നിലയിൽ. ഓപ്പണിംഗ് വിക്കറ്റിൽ സാക്ക് ക്രോളി – ബെന്‍ ഡക്കറ്റ് കൂട്ടുകെട്ട് നൽകിയ മികച്ച തുടക്കത്തിന്റെ ബലത്തിൽ ഇംഗ്ലണ്ട് 91 റൺസാണ് ഒന്നാം വിക്കറ്റിൽ നേടിയത്.

48 റൺസ് നേടിയ സാക്ക് ക്രോളിയെ ലയൺ പുറത്താക്കിയപ്പോള്‍ ഒല്ലി പോപും ബെന്‍ ഡക്കറ്റും ചേര്‍ന്ന് 97 റൺസ് കൂടി നേടി. 42 റൺസ് നേടിയ പോപിനെ പുറത്താക്കി കാറൺ ഗ്രീനാണ് ഈ കൂട്ടുകെട്ട് തകര്‍ത്തത്. 98 റൺസ് നേടിയ ബെന്‍ ഡക്കറ്റിനെ ആണ് അടുത്തതായി ഇംഗ്ലണ്ടിന് നഷ്ടമായത്. ഹാസൽവുഡാണ് താരത്തിന്റെ ശതകത്തിനുള്ള അവസരം നിഷേധിച്ചത്.

45 റൺസുമായി ഹാരി ബ്രൂക്കും 17 റൺസുമായി ബെന്‍ സ്റ്റോക്സും അഞ്ചാം വിക്കറ്റിൽ ഇംഗ്ലണ്ടിനായി 56 റൺസ് നേടിയാണ് ക്രീസിൽ നിൽക്കുന്നത്. ഓസ്ട്രേലിയയുടെ സ്കോറിന് 138 റൺസ് പിന്നിലാണ് ഇംഗ്ലണ്ട് ഇപ്പോളും

ലോര്‍ഡ്സിൽ ആദ്യ ദിവസം ആദ്യ സെഷന്‍ അവസാനിക്കുമ്പോള്‍ ഓസ്ട്രേലിയ 73/1 എന്ന നിലയിൽ. 17 റൺസ് നേടിയ ഖവാജയെ ജോഷ് ടംഗ് 24ാം ഓവറിന്റെ ആദ്യ പന്തിൽ പുറത്താക്കിയപ്പോള്‍ ലഞ്ചിന് പിരിയുവാന്‍ അമ്പയര്‍മാര്‍ തീരുമാനിക്കുകയായിരുന്നു.

53 റൺസുമായി ഡേവിഡ് വാര്‍ണര്‍ ആണ് ക്രീസിലിത്തിരുന്നു. മത്സരം തുടങ്ങി അധികം വൈകാതെ തന്നെ ജസ്റ്റ് സ്റ്റോപ്പ് ഓയിൽ പ്രതിഷേധക്കാര്‍ വന്ന് കളി തടസ്സപ്പെടുത്തിയിരുന്നു.

ആഷസ് ടെസ്റ്റ് പരമ്പരയിലെ രണ്ടാം ടെസ്റ്റിന് ലോര്‍ഡ്സിൽ ഇന്ന് തുടക്കം. ആദ്യ ടെസ്റ്റിൽ ആവേശകരമായ വിജയം ഓസ്ട്രേലിയ നേടിയപ്പോള്‍ പരമ്പരയിലൊപ്പമെത്തുവാനാണ് ഇംഗ്ലണ്ടിന്റെ ശ്രമം. ടോസ് നേടി ടീം ബൗളിംഗ് തിരഞ്ഞെടുക്കുകയായിരുന്നു.

ഓസ്ട്രേലിന്‍ ടീമിൽ ഒരു മാറ്റമാണുള്ളത്. ബോളണ്ടിന് പകരം മിച്ചൽ സ്റ്റാര്‍ക് ടീമിലേക്ക് എത്തുന്നു. ജോഷ് ടംഗ് ഇംഗ്ലണ്ടിനായി കളിക്കുന്നു.

ഓസ്ട്രേലിയ: David Warner, Usman Khawaja, Marnus Labuschagne, Steven Smith, Travis Head, Cameron Green, Alex Carey(w), Mitchell Starc, Pat Cummins(c), Nathan Lyon, Josh Hazlewood

ഇംഗ്ലണ്ട്: Zak Crawley, Ben Duckett, Ollie Pope, Joe Root, Harry Brook, Ben Stokes(c), Jonny Bairstow(w), Stuart Broad, Ollie Robinson, Josh Tongue, James Anderson

മാര്‍നസ് ലാബൂഷാനെയെ തകര്‍പ്പന്‍ ക്യാച്ചിലൂടെ പുറത്താക്കിയെങ്കിലും ജോണി ബൈര്‍സ്റ്റോയുടെ എഡ്ജ്ബാസ്റ്റൺ ടെസ്റ്റിലെ കീപ്പിംഗ് പൊതുവേ മോശമായിരുന്നു. എന്നാൽ താരത്തിന് ഇപ്പോള്‍ പിന്തുണയുമായി മുഖ്യ കോച്ച് ബ്രണ്ടന്‍ മക്കല്ലം രംഗത്തെത്തിയിട്ടുണ്ട്.

മൂന്ന് അനായാസ അവസരങ്ങളാണ് ബൈര്‍സ്റ്റോ മത്സരത്തിൽ കളഞ്ഞത്. അതിൽ കാമറൺ ഗ്രീനിന്റെ സ്റ്റംപിംഗും അലക്സ് കാറെയെ രണ്ട് തവണ ക്യാച് ഡ്രോപ് ചെയ്യുകയും ചെയ്തു. ഇതെല്ലാം മത്സര ഫലത്തെ സാരമായി ബാധിച്ചിട്ടുണ്ട്. എന്നാൽ ന്യൂസിലാണ്ട് കീപ്പറായിരുന്നപ്പോള്‍ താനും ഇംഗ്ലണ്ടിൽ കീപ്പ് ചെയ്യുവാന്‍ പ്രയാസപ്പെട്ടുവെന്നും ഈ സാഹചര്യങ്ങളിൽ കീപ്പിംഗ് ദുഷ്കരമാണെന്നും മക്കല്ലം പറഞ്ഞു.

 

ആഷസ് പരമ്പരയിലെ ആദ്യ ടെസ്റ്റിൽ വിജയം ഇംഗ്ലണ്ടിന് കൈയ്യകലത്തിൽ നഷ്ടമായി. വിജയത്തിനായി 281 റൺസ് വേണ്ടിയിരുന്ന ഓസ്ട്രേലിയ 8 വിക്കറ്റ് നഷ്ടത്തിൽ ആണ് ലക്ഷ്യം മറികടന്നത്. 9ാം വിക്കറ്റിൽ പാറ്റ് കമ്മിന്‍സും നഥാന്‍ ലയണും ചേര്‍ന്ന് നേടിയ 55 റൺസാണ് ഇംഗ്ലണ്ടിന്റെ പ്രതീക്ഷകളെ തകര്‍ത്തത്.

ആദ്യ സെഷന്‍ പൂര്‍ണ്ണമായും മഴ കൊണ്ടു പോയതിന് ശേഷം ബോളണ്ടിന്റെ(20) വിക്കറ്റാണ് ഓസ്ട്രേലിയയ്ക്ക് നഷ്ടമായത്. ഉസ്മാന്‍ ഖവാജ ചെറുത്ത്നില്പ് നടത്തിയെങ്കിലും മറുവശത്ത് വിക്കറ്റ് വീഴ്ത്തി ഇംഗ്ലണ്ട് സമ്മര്‍ദ്ദം സൃഷ്ടിച്ചു. ട്രാവിസ് ഹെഡിനെ(16) മോയിന്‍ അലി വീഴ്ത്തിയപ്പോള്‍ കാമറൺ ഗ്രീനിന്റെ(28) വിക്കറ്റ് റോബിന്‍സണാണ് നേടിയത്.

ഓസ്ട്രേലിയയുടെ പ്രതീക്ഷയായ ഉസ്മാന്‍ ഖവാജയെ സ്റ്റോക്സ് പുറത്താക്കിയപ്പോള്‍ മത്സരത്തിലെ വലിയ നേട്ടമാണ് ഇംഗ്ലണ്ട് സ്വന്തമാക്കിയത്. 65 റൺസായിരുന്നു ഖവാജയുടെ സംഭാവന. അധികം വൈകാതെ ജോ റൂട്ട് അലക്സ് കാറെയെ(20) പുറത്താക്കിയപ്പോള്‍ ഓസ്ട്രേലിയയുടെ എട്ടാം വിക്കറ്റും നഷ്ടമായി.

എന്നാൽ പിന്നീട് മത്സരത്തിൽ ഓസ്ട്രേലിയ തിരിച്ചുവരവ് നടത്തുന്നതാണ് കണ്ടത്. പാറ്റ് കമ്മിന്‍സും നഥാന്‍ ലയണും ചേര്‍ന്ന് ഓസ്ട്രേലിയയെ മുന്നോട്ട് നയിച്ചപ്പോള്‍ ഈ കൂട്ടുകെട്ട് 55 റൺസ് നേടി. പാറ്റ് കമ്മിന്‍സ് 44 റൺസും നഥാന്‍ ലയൺ 16 റൺസും നേടി പുറത്താകാതെ നിന്നാണ് ലോക ചാമ്പ്യന്മാരെ വിജയത്തിലേക്ക് നയിച്ചത്.

ആഷസിലെ ആദ്യ ടെസ്റ്റിന്റെ അവസാന ദിവസത്തെ ആദ്യ സെഷന്‍ കവര്‍ന്ന് മഴ. വിജയം 174 റൺസ് അകലെ നിൽക്കുമ്പോള്‍ ഓസ്ട്രേലിയയുടെ പക്കൽ 7 വിക്കറ്റാണുള്ളത്. 107/3 എന്ന നിലയിലുള്ള ഓസ്ട്രേലിയയ്ക്കായി 34 റൺസ് നേടിയ ഉസ്മാന്‍ ഖവാജയും 13 റൺസുമായി സ്കോട്ട് ബോളണ്ടുമാണ് ക്രീസിലുള്ളത്.

സ്റ്റുവര്‍ട് ബ്രോഡ് 2 വിക്കറ്റുകളുമായി ഇംഗ്ലണ്ടിന്റെ പ്രതീക്ഷകള്‍ കാത്ത് സൂക്ഷിക്കുന്നു.

ആഷസിലെ ആദ്യ ടെസ്റ്റ് വിജയിക്കുവാന്‍ ഓസ്ട്രേലിയ നേടേണ്ടത് 281 റൺസ്. ഇന്ന് മത്സരത്തിന്റെ നാലാം ദിവസം ഇംഗ്ലണ്ടിന്റെ രണ്ടാം ഇന്നിംഗ്സ് 273 റൺസിന് അവസാനിച്ചപ്പോള്‍ ടീമുകള്‍ ചായയ്ക്കായി പിരിഞ്ഞു. ജോ റൂട്ട്(46), ഹാരി ബ്രൂക്ക്(46), ബെന്‍ സ്റ്റോക്സ്(43) എന്നിവര്‍ മാത്രമാണ് ഇംഗ്ലണ്ടിനായി ചെറുത്തുനില്പുയര്‍ത്തിയത്. ഒല്ലി റോബിന്‍സൺ 27 റൺസ് നേടി.

ഓസ്ട്രേലിയയ്ക്കായി നഥാന്‍ ലയണും പാറ്റ് കമ്മിന്‍സും നാല് വീതം വിക്കറ്റാണ് നേടിയത്.