ബൈര്‍സ്റ്റോയ്ക്ക് ശതകം, ഫോളോ ഓൺ ഒഴിവാക്കി ഇംഗ്ലണ്ട്

Sports Correspondent

Jonnybairstow
Download the Fanport app now!
Appstore Badge
Google Play Badge 1

ജോണി ബൈര്‍സ്റ്റോയുടെ മികവിൽ ഫോളോ ഓൺ ഒഴിവാക്കി ഇംഗ്ലണ്ട്. സിഡ്നി ടെസ്റ്റിന്റെ മൂന്നാം ദിവസം അവസാനിക്കുമ്പോള്‍ ഇംഗ്ലണ്ട് 258/7 എന്ന നിലയിലാണ്. ജോണി ബൈര്‍സ്റ്റോയുടെ 103 റൺസിന്റെ ബലത്തില്‍ ഫോളോ ഓൺ ഒഴിവാക്കുവാന്‍ ഇംഗ്ലണ്ടിന് സാധിച്ചു.

ബൈര്‍സ്റ്റോയ്ക്കൊപ്പം 4 റൺസുമായി ജാക്ക് ലീഷാണ് ക്രീസിലുള്ളത്. ബെന്‍ സ്റ്റോക്സ്(66), മാര്‍ക്ക് വുഡ്(39) എന്നിവരും ടീമിനായി നിര്‍ണ്ണായക സംഭാവനകള്‍ നൽകി. ഓസ്ട്രേലിയയുടെ സ്കോര്‍ മറികടക്കുവാന്‍ ഇംഗ്ലണ്ടിന് ഇനിയും 158 റൺസ് നേടണം. ഓസ്ട്രേലിയയ്ക്കായി പാറ്റ് കമ്മിന്‍സ്, സ്കോട്ട് ബോളണ്ട് എന്നിവര്‍ രണ്ടും നഥാന്‍ ലയൺ, കാമറൺ ഗ്രീന്‍, മിച്ചൽ സ്റ്റാര്‍ക്ക് എന്നിവര്‍ ഓരോ വിക്കറ്റും നേടി.