ആഷസ്‌ പരമ്പരക്കുള്ള ടീമിനെ പ്രഖ്യാപിച്ച് ഇംഗ്ലണ്ട്

ഓസ്ട്രേലിയക്കെതിരെയുള്ള ആഷസ് പരമ്പരക്കുള്ള ഇംഗ്ലണ്ട് ടീമിനെ പ്രഖ്യാപിച്ച് ഇംഗ്ലണ്ട്. ഇംഗ്ലണ്ടിന് ലോകകപ്പിൽ മികച്ച ബൗളിംഗ് പ്രകടനം പുറത്തെടുത്ത ജോഫ്ര ആർച്ചർ ആദ്യമായി ടെസ്റ്റ് ടീമിൽ ഇടം പിടിച്ചിട്ടുണ്ട്. ലോകകപ്പിൽ ഇംഗ്ലണ്ടിന് വേണ്ടി 20 വിക്കറ്റ് വീഴ്ത്തിയ താരമാണ് ആർച്ചർ.

അയർലണ്ടിനെതിരെയുള്ള ടെസ്‌റ്റിൽ വിശ്രമം അനുവദിച്ച ബെൻ സ്റ്റോക്സിനെയും ജോസ് ബട്ലറെയും ഉൾപ്പെടുത്തിയാണ് ഇംഗ്ലണ്ട് ടീം പ്രഖ്യാപിച്ചത്. പരിക്ക് മൂലം അയർലണ്ടിനെതിരെയുള്ള ടെസ്റ്റ് മത്സരത്തിൽ കളിക്കാതിരുന്ന ജെയിംസ് ആൻഡേഴ്സണും 14 അംഗ ടീമിൽ ഇടം പിടിച്ചിട്ടുണ്ട്.

നൈറ്റ് ക്ലബ്ബിൽ ഉണ്ടാക്കിയ പ്രശ്നങ്ങളുമായി ബന്ധപ്പെട്ട് വൈസ് ക്യാപ്റ്റൻ സ്ഥാനത്ത് നിന്ന് മാറ്റപ്പെട്ട ബെൻ സ്റ്റോക്സ് വീണ്ടും വൈസ് ക്യാപ്റ്റൻ സ്ഥാനത്ത് തിരിച്ചെത്തിയിട്ടുണ്ട്.

England squad:  Joe Root (capt), Moeen Ali, James Anderson, Jofra Archer, Jonny Bairstow (wk), Stuart Broad, Rory Burns, Jos Buttler (wk), Sam Curran, Joe Denly, Jason Roy, Ben Stokes, Olly Stone, Chris Woakes