കേരളത്തിനെതിരെ 85 റൺസിന്റെ ഒന്നാം ഇന്നിംഗ്സ് ലീഡ് നേടി പോണ്ടിച്ചേരി. പോണ്ടിച്ചേരി ആദ്യ ഇന്നിംഗ്സിൽ 371 റൺസ് നേടിയപ്പോള് കേരളം 286 റൺസ് മാത്രമാണ് നേടിയത്.
70 റൺസ് നേടിയ അക്ഷയ് ചന്ദ്രന് ആണ് സിജോമോന് ജോസഫ്(35), ജലജ് സക്സേന(15), നിധീഷ് എം ഡി(24) എന്നിവരോടൊപ്പം പൊരുതി നിന്ന് കേരളത്തെ 286 റൺസിലേക്ക് എത്തിച്ചത്. സൽമാന് നിസാര്(44) ആണ് മറ്റൊരു പ്രധാന സ്കോറര്. സച്ചിന് ബേബി 39 റൺസ് നേടി പുറത്തായി. അഞ്ച് വിക്കറ്റുകള് നേടി സാഗര് പി ഉദ്ദേശിയാണ് പോണ്ടിച്ചേരിയ്ക്കായി കേരളത്തിനെ പ്രതിരോധത്തിലാക്കിയത്. അക്ഷയ് ചന്ദ്രന്റെ ഉള്പ്പെടെയുള്ള വിക്കറ്റുകള് സാഗര് ആണ് നേടിയത്.
മൂന്നാം ദിവസം കളി നിര്ത്തുമ്പോള് 119 റൺസ് ലീഡുമായി പോണ്ടിച്ചേരി 34/1 എന്ന നിലയിലാണ്. ഒരു ദിവസം മാത്രം ബാക്കി നിൽക്കവേ മത്സരം സമനിലയാകുമെന്ന് ഉറപ്പായിരിക്കുകയാണ്.