തിങ്കളാഴ്ച ഷാർജ ക്രിക്കറ്റ് സ്റ്റേഡിയത്തിൽ നടന്ന മൂന്നാമത്തെയും നിർണായകവുമായ ഏകദിനത്തിൽ ബംഗ്ലാദേശിനെതിരെ അഞ്ച് വിക്കറ്റിന് അഫ്ഗാനിസ്ഥാൻ വിജയിച്ച് പരമ്പര 2-1 ന് സ്വന്തമാക്കി. റഹ്മാനുള്ള ഗുർബാസിൻ്റെയും അസ്മത്തുള്ള ഒമർസായിയുടെയും മികച്ച പ്രകടനമാണ് വിജയത്തിന് കരുത്തേകിയത്. 120 പന്തിൽ 101 റൺസ് നേടിയ ഗുർബാസ് തൻ്റെ എട്ടാം ഏകദിന സെഞ്ച്വറി നേടി. ക്വിൻ്റൺ ഡി കോക്കിന് ശേഷം പുരുഷ ടി20യിൽ എട്ട് ഏകദിന സെഞ്ചുറികൾ നേടുന്ന ഏറ്റവും പ്രായം കുറഞ്ഞ കളിക്കാരനായി ഗുർബാസ് മാറി.
അഞ്ച് ഫോറുകളും ഏഴ് സിക്സറുകളും ഉൾപ്പെടുന്നതായിരുന്നു ഗുർബാസിന്റെ ഇന്നിംഗ്സ്. അസ്മതുള്ള 70 റൺസും എടുത്തു.
നേരത്തെ ആദ്യം ബാറ്റു ചെയ്ത ബംഗ്ലാദേശ് 4 ന് 72 എന്ന നിലയിൽ പരുങ്ങിയ ശേഷം ബംഗ്ലാദേശിനെ അഞ്ചാം വിക്കറ്റിൽ 145 റൺസിൻ്റെ കൂട്ടുകെട്ട് പടുത്തുയർത്തിയ മെഹിദി ഹസൻ മിറാസും (119 പന്തിൽ 66 റൺസ്), മഹ്മൂദുള്ളയും (98 റൺസ്) ചേർന്നാണ് മാന്യമായ സ്കോറിലേക്ക് എത്തിച്ചത്.
പന്തിൽ 37 റൺസ് വഴങ്ങി 4 വിക്കറ്റും ബാറ്റിൽ 77 പന്തിൽ പുറത്താകാതെ 70 റൺസും നേടിയ ഒമർസായി കളിയിലെ താരമായി മാറി.