ഇംഗ്ലണ്ടിനെതിരെ ഒന്നാം ടെസ്റ്റില് ജോ റൂട്ടിനെ പുറത്താക്കിയപ്പോള് രംഗന ഹെരാത്ത് സ്വന്തമാക്കിയത് ചരിത്ര നേട്ടം. മുത്തയ്യ മുരളീധരനു ശേഷം ഗോളില് 100 ടെസ്റ്റ് വിക്കറ്റ് നേടുന്ന താരമായി രംഗന ഹെരാത്ത് മാറുകയായിരുന്നു. തന്റെ അവസാന ടെസ്റ്റില് കളിക്കുന്ന ഹെരാത്ത് ഇംഗ്ലണ്ടിന്റെ പ്രതീക്ഷയായിരുന്നു കൂട്ടുകെട്ടിനെയാണ് തകര്ത്തത്.
10/2 എന്ന നിലയില് നിന്ന് 62 റണ്സ് ചേര്ത്ത് മുന്നേറുകയായിരുന്നു ജോ റൂട്ട്-കീറ്റണ് ജെന്നിംഗ്സ് കൂട്ടുകെട്ടിനെയാണ് ഹെരാത്ത് തകര്ത്തത്. 35 റണ്സ് നേടിയ ജോ റൂട്ടിനെ ക്ലീന് ബൗള്ഡാക്കിയാണ് ഹെരാത്ത് തന്റെ ഗോളിലെ നൂറാം വിക്കറ്റ് നേടിയത്. 111 വിക്കറ്റ് നേടിയ മുത്തയ്യ മുരളീധരനാണ് ഗോളില് ഏറ്റവുമധികം വിക്കറ്റുകള് നേടിയിട്ടുള്ളത്. ദില്രുവന് പെരേര 45 വിക്കറ്റുമായി മൂന്നാം സ്ഥാനത്ത് നില്ക്കുന്നു.