രോഹിത് ശർമ്മയുടെ അനായാസ ബാറ്റിംഗ് അതിശയിപ്പിക്കുന്നതെന്ന് ജോസ് ബട്ലർ

ഇന്ത്യൻ ഓപ്പണർ രോഹിത് ശർമ്മയുടെ അനായാസ ബാറ്റിംഗ് ശൈലി അതിശയിപ്പിക്കുന്നതാണെന്ന് ഇംഗ്ലണ്ട് താരം ജോസ് ബട്ലർ. രോഹിത് ശർമ്മയുടെ ബാറ്റിംഗ് വിസ്മയം ഉളവാക്കുന്ന ഒന്നാണെന്നും എതിരാളികൾക്കെതിരെ അനായാസം സെഞ്ചുറി നേടാൻ രോഹിത് ശർമ്മക്ക് കഴിയുമെന്നും ജോസ് ബട്ലർ പറഞ്ഞു.

ഐ.പി.എൽ ടീമായ രാജസ്‌ഥാൻ റോയൽസിന്റെ ഇൻസ്റ്റാഗ്രാം അക്കൗണ്ടിൽ നടത്തിയ ലൈവ് സെഷനിലാണ് ജോസ് ബട്ലർ രോഹിത് ശർമ്മയോടുള്ള ആരാധന വെളിപ്പെടുത്തിയത്. രോഹിത് ശർമയുടെ ബാറ്റിംഗ് പോലെ അനായാസം ബാറ്റ് ചെയുന്ന ഒരുപാട് താരങ്ങൾ ഇന്ത്യൻ ടീമിൽ ഉണ്ടെന്നും ജോസ് ബട്ലർ പറഞ്ഞു.

രോഹിത് ശർമ്മ മികച്ച ഫോമിലെത്തിയാൽ വലിയ റൺസ് നേടുകയും അത് മത്സരത്തെ മാറ്റി മറിക്കുകയും ചെയ്യുമെന്ന് ജോസ് ബട്ലർ പറഞ്ഞു. 2016, 2017 സീസണുകളിൽ മുംബൈ ഇന്ത്യൻസിൽ രോഹിത് ശർമ്മയും ജോസ് ബട്ലറും ഒരുമിച്ച് കളിച്ചിരുന്നു

Previous articleറുഗാനിയും ഡിബാലയും കൊറോണ നെഗറ്റീവ് ആയി
Next articleമാഞ്ചസ്റ്റർ യുണൈറ്റഡിന്റെ ലക്ഷ്യം ജാക്ക് ഗ്രീലിഷ് തന്നെ