കോമൺവെൽത്ത് ഗെയിംസിൽ ഇന്ത്യക്ക് 19 മത്തെ സ്വർണം സമ്മാനിച്ചു പി.വി സിന്ധു. വനിത ബാഡ്മിന്റൺ സിംഗിൾസിൽ കനേഡിയൻ താരം മിഷേല ലിയെ നേരിട്ടുള്ള സെറ്റുകൾക്ക് ആണ് ഫൈനലിൽ തോൽപ്പിച്ചത്. ആദ്യ സെറ്റ് 21-15 നും രണ്ടാം സെറ്റ് 21-13 നും നേടി ആധികാരികമായി ആണ് സിന്ധു സ്വർണം നേടിയത്.
കോമൺവെൽത്ത് ഗെയിംസിൽ 27 കാരിയായ സിന്ധുവിന്റെ ആദ്യ സ്വർണം ആണ് ഇത്. 2014 ൽ വെങ്കലവും 2018 ൽ വെള്ളിയും നേടിയ താരം ഇന്ത്യക്ക് അഭിമാന നിമിഷം സമ്മാനിച്ചു ഇത്തവണ സ്വർണം സ്വന്തമാക്കുക ആയിരുന്നു. രണ്ടു തവണ ഒളിമ്പിക് മെഡൽ ജേതാവ് ആയ സിന്ധു ഇനി ഒളിമ്പിക് സ്വർണം ആവും ലക്ഷ്യം വക്കുക.
