കോമൺവെൽത്ത് ഗെയിംസിൽ ഇന്ത്യക്ക് ബാഡ്മിന്റണിൽ മറ്റൊരു മെഡൽ കൂടി സമ്മാനിച്ചു യുവതാരങ്ങളായ ട്രീസ ജോളി, ഗായത്രി ഗോപിചന്ദ് സഖ്യം. 19 കാരികളായ ഇരുവരും തങ്ങളുടെ ആദ്യ കോമൺവെൽത്ത് ഗെയിംസിൽ തന്നെ വനിത ഡബിൾസിൽ ഇന്ത്യക്ക് ആയി മെഡൽ നേടി.
വെങ്കല മെഡൽ പോരാട്ടത്തിൽ ഓസ്‌ട്രേലിയൻ സഖ്യം വെന്റി ചാൻ, സോമർവിൽ എന്നിവരെ നേരിട്ടുള്ള സെറ്റുകൾക്ക് ആണ് ഇന്ത്യൻ ടീം തോൽപ്പിച്ചത്. ആദ്യ സെറ്റ് 21-15 നു ജയിച്ച ഇന്ത്യൻ സഖ്യം രണ്ടാം സെറ്റിൽ ആദ്യം മുന്നിട്ട് നിന്നെങ്കിലും ഓസ്‌ട്രേലിയൻ ടീമിന്റെ തിരിച്ചു വരവിൽ പകച്ചു. എന്നാൽ ശാന്തത കൈവിടാത്ത ഇന്ത്യൻ സഖ്യം സെറ്റ് 21-18 നു നേടിയാണ് വെങ്കലം സ്വന്തമാക്കിയത്.
