Author: specialdesk

ദക്ഷിണാഫ്രിക്കൻ പര്യടനം ഇതുവരെ പാകിസ്ഥാന് നിരാശയാണ് സമ്മാനിച്ചിട്ടുള്ളത്. ആദ്യം ടെസ്റ്റ് പരമ്പരയിൽ മൂന്നു മത്സരങ്ങളും പരാജയപ്പെട്ട പാകിസ്ഥാൻ ഇപ്പോൾ ഏകദിന പരമ്പരയിലും പിന്നിൽ നിൽക്കുകയാണ്. ഇതിനിടയിൽ ഏകദിന പരമ്പരക്ക് ശേഷം നടക്കുന്ന മൂന്നു മത്സരങ്ങളുടെ ടി20 പരമ്പരയ്ക്കുള്ള ടീമിനെ പ്രഖ്യാപിച്ചിരിക്കുകയാണ് പാകിസ്ഥാൻ.

ഏകദിന ടീമിൽ നിന്നും വലിയ മാറ്റങ്ങൾ ഒന്നുമില്ലാതെയാണ് പാക് ടീം പ്രഖ്യാപിച്ചിട്ടുള്ളത്. പേസ് ബൗളർ മുഹമ്മദ് ആമിറിനെ തിരിച്ചു വിളിച്ചതാണ് ശ്രദ്ധേയമായ കാര്യം. പാകിസ്താൻ സൂപ്പർ ലീഗിലെ മികച്ച താരങ്ങൾ ആയു ആസിഫ് അലി, ഹുസൈൻ തലാത്ത് എന്നിവരെയും ടീമിൽ ഉൾപ്പെടുത്തിയിട്ടുണ്ട്.

ടീം: Sarfaraz Ahmed (C & WK), Asif Ali, Babar Azam, Faheem Ashraf, Fakhar Zaman, Hasan Ali, Imad Wasim, Hussain Talat, Mohammad Amir, Mohammad Hafeez, Sahibzada Farhan, Shadab Khan, Shahid Afridi, Shoaib Malik, Usman Khan Shinwari.

ഇന്ത്യ എ – ഇംഗ്ലണ്ട് ലയൺസ് രണ്ടാം ഏകദിനത്തിലും ഇന്ത്യക്ക് വിജയം. ഗ്രീൻഫീൽഡിൽ നടന്ന മത്സരത്തിൽ 138 റൺസിനാണ് ഇന്ത്യൻ ടീം വിജയം കണ്ടത്. ആദ്യം ബാറ്റ് ചെയ്ത ഇന്ത്യ എ ഉയർത്തിയ 303 എന്ന സ്കോറിന് മറുപടി ബാറ്റിങ് തുടങ്ങിയ ഇംഗ്ലണ്ട് ലയൺസ് വെറും 165 റൺസിന്‌ ഓൾ ഔട്ടാവുകയായിരുന്നു. വിജയത്തോടെ ഇന്ത്യ 2-0നു പരമ്പരയിൽ മുന്നിൽ എത്തി.

ഇന്ത്യയുടെ 303 എന്ന സ്‌കോർ പിന്തുടർന്ന ഇംഗ്ലണ്ടിനെ തുടർച്ചയായി വിക്കറ്റുകൾ വീഴ്ത്തി ഇന്ത്യ പിടിച്ചു കെട്ടുകയായിരുന്നു. 25 റണ്സിനിടെ തന്നെ ആദ്യ വിക്കറ്റു നഷ്ടമായ ഇംഗ്ലണ്ട് പിന്നീട് തകർച്ചയിൽ നിന്നും കരകയിറിയില്ല. അലക്സ് ഡേവിസിനും സാക് ചാപ്പലിനും മാത്രമേ ഇംഗ്ലണ്ട് നിരയിൽ പിടിച്ചു നിൽക്കാൻ കഴിഞ്ഞുള്ളു. ഇന്ത്യക്ക് വേണ്ടി മായങ്ക് മൂന്ന് വിക്കറ്റ് വീഴ്ത്തിയപ്പോൾ അക്‌സർ പട്ടേലും ശാർദൂലും രണ്ടു വിക്കറ്റുകൾ വീതം നേടി.

ആദ്യം ബാറ്റ് ചെയ്‌ത ഇന്ത്യ 50 ഓവറില്‍ നിന്ന് 6 വിക്കറ്റ് നഷ്ടത്തിൽ 303 റണ്‍സ് എന്ന വലിയ സ്കോര്‍ നേടുകയായിരുന്നു. ഹനുമ വിഹാരി 92 റണ്‍സ് നേടി പുറത്തായപ്പോള്‍ രഹാനെയുടെ സംഭാവന 91 റണ്‍സായിരുന്നു. ഇരുവരും പുറത്തായ ശേഷം ശ്രേയസ്സ് അയ്യരുടെ വെടിക്കെട്ട് ബാറ്റിംഗാണ് ഇന്ത്യയെ മുന്നോട്ട് നയിച്ചത്. 47 പന്തില്‍ നിന്ന് അയ്യര്‍ 65 റണ്‍സ് നേടിയാണ് ഇന്ത്യയെ മുന്നോട്ട് നയിച്ചത്. ഇംഗ്ലണ്ടിനു വേണ്ടി ലൂയിസ് ഗ്രിഗറിയും സാക് ചാപ്പലും രണ്ടു വിക്കറ്റുകൾ വീതം വീഴിത്തിയിരുന്നു.

കോഫി വിത് കരൺ എന്ന പരിപാടിയിൽ സ്ത്രീ വിരുദ്ധ പരാമര്ശങ്ങൾ നടത്തിയതിനു ഹർദിക് പാണ്ഡ്യാ, കെഎൽ രാഹുൽ എന്നിവർക്കെതിരെയുള്ള ഏർപ്പെടുത്തിയ വിലക്ക് ബിസിസിഐ കഴിഞ്ഞ ദിവസം പിൻവലിച്ചിരുന്നു, തുടർന്ന് കഴിഞ്ഞ ദിവസം തന്നെ ന്യൂസിലാൻഡ് പര്യടനത്തിൽ പങ്കെടുക്കാൻ വേണ്ടി ഹർദിക് പാണ്ഡ്യാ ന്യൂസിലാൻഡിലേക്ക് തിരിക്കുകയും രാഹുല്‍ ഇന്ത്യ എ ടീമിനോടൊപ്പം ചേരുകയും ചെയ്തിരുന്നു.

ഓസ്ട്രേലിയന്‍ പര്യടനത്തില്‍ മോശം പ്രകടനം കാഴ്ചവെച്ച രാഹുലിന് ഇനി മുന്നില്‍ ഉള്ളത് ന്യൂസിലന്‍ഡിനെതിരായ ടി20 പരമ്പരയാണ്. രാഹുലിനെ ടി20 പരമ്പരക്കുള്ള ടീമില്‍ ഉള്പെടുതും എന്നാണ് റിപ്പോര്‍ട്ടുകള്‍ വരുന്നത്. അത് മുന്നില്‍ കണ്ടാണ്‌ തന്‍റെ ഫോം വീണ്ടെടുക്കാന്‍ വേണ്ടി ഇംഗ്ലണ്ട് ലയണ്‍സിന് എതിരായുള്ള ഇന്ത്യ എയുടെ പരമ്പരയില്‍ രാഹുലിനെ ഉള്‍പ്പെടുത്തിയിട്ടുള്ളത്.

പാണ്ഡ്യക്കും രാഹുലിനും പകരമായി സുബ്മാന്‍ ഗിലിനെയും വിജയ്‌ ശങ്കറിനെയും ആണ് ന്യൂസിലാൻഡ് പര്യടനത്തിനുള്ള ടീമിൽ ഉൾപ്പെടുത്തിയത്. ടി 20 പരമ്പരയിൽ വിശ്രമം അനുവദിച്ച കോഹ്‌ലിക്ക് പകരമായിട്ടായിരിക്കും രാഹുലിന് അവസരം ലഭിക്കുക.

ഡർബനിൽ നടന്ന രണ്ടാമത്തെ ഏകദിന മത്സരത്തിനിടെ പാക് ക്യാപ്റ്റൻ സർഫറാസ് അഹമ്മദ് വംശീയ അധിക്ഷേപം നടത്തിയതിനെ താനും തന്റെ ടീമും ക്ഷമിച്ചു എന്ന് ദക്ഷിണാഫ്രിക്കൻ ക്യാപ്റ്റൻ ഫാഫ് ഡു പ്ലെസിസ്. “അദ്ദേഹത്തോട് ഞങ്ങൾ ക്ഷമിച്ചിരിക്കുന്നു, കാരണം സർഫറാസ് ഞങ്ങളോട് മാപ്പ് പറഞ്ഞു” – ഇന്നലെ പരിശീലനത്തിന് ശേഷം മാധ്യമങ്ങളോട് സംസാരിക്കുകയായിരുന്നു ഡു പ്ലെസിസ്.

“അദ്ദേഹം ക്ഷമാപണം നടത്തുകയും ഉത്തരവാദിത്തം ഏറ്റെടുക്കുകയും ചെയ്തു, പക്ഷെ കാര്യങ്ങൾ ഞങ്ങളുടെ കൈയ്യിലല്ല, ഐ സി സി അതിനെ കുറിച്ച് നടപടികൾ എടുത്തു വരികയാണ്” – ഡു പ്ലെസിസ് പറഞ്ഞു.

കഴിഞ്ഞ മത്സരത്തിനിടെ ദക്ഷിണാഫ്രിക്കൻ ഓൾ റൗണ്ടർ ആൻഡൈൽ ഫെൽക്വായെ വംശീയമായി സർഫറാസ് കളിയാക്കിയിരുന്നു. ഇതിനെതിരെ മാച്ച് കമ്മീഷണർ രഞ്ജൻ മദുഗുലെ ഐസിസിക്ക് റിപ്പോർട് നൽകിയിരുന്നു. മത്സരത്തിന് ശേഷം സർഫറാസ് ട്വിറ്ററിൽ ക്ഷമാപണവും നടത്തിയിരുന്നു.

ഇന്ത്യ എയും ഇംഗ്ലണ്ട് ലയൺസും തമ്മിലുള്ള ആദ്യ ഏകദിന മത്സരത്തിൽ ഇന്ത്യക്ക് തകർപ്പൻ വിജയം. തിരുവനന്തപുരത്തെ സ്പോർട്സ് ഹബിൽ നടന്ന മത്സരത്തിൽ 3 വിക്കറ്റിനാണ് ഇന്ത്യ വിജയം കണ്ടത്. ഇംഗ്ലണ്ട് ഉയർത്തിയ 286 എന്ന സ്‌കോർ 7 വിക്കറ്റ് നഷ്ടത്തിൽ 49.1 ഓവറിൽ ഇന്ത്യ മറികടക്കുകയായിരുന്നു. അവസാന നിമിഷം ആഞ്ഞടിച്ച വിക്കറ്റ് കീപ്പർ ഇഷാൻ (57) ആണ് ഇന്ത്യയുടെ വിജയശില്പി.

ആദ്യ ബാറ്റ് ചെയ്ത ഇംഗ്ലണ്ട് ലയൺസ് നിശ്ചിത 50 ഓവറിൽ 7 വിക്കറ്റ് നഷ്ടത്തിൽ 285 റൺസ് ആയിരുന്നു എടുത്തത്. സാം ബില്ലിംഗ്സ് നേടിയ സെഞ്ച്വറിയുടെ (108) ബലത്തിൽ ആണ് ഇംഗ്ലണ്ട് മികച്ച സ്‌കോറിൽ എത്തിയത്. ഇന്ത്യക്ക് വേണ്ടി സിദ്ധാർഥ് കൗൾ മൂന്നും മായങ്ക്, അക്‌സർ പട്ടേൽ എന്നിവർ രണ്ടു വീതവും വിക്കറ്റുകൾ സ്വന്തമാക്കി.

മറുപടി ബാറ്റിങ്ങിന് ഇറങ്ങിയ ഇന്ത്യ എ കരുതലോടെയാണ് തുടങ്ങിയത്. ക്യാപ്റ്റൻ അജിൻക്യ രഹാനെയും അൻമോൽപ്രിത് സിങ്ങും ചേർന്ന് 66 റൺസിന്റെ ഒന്നാം വിക്കറ്റ് കൂട്ടുകെട്ട് ഉണ്ടാക്കി. അൻമോൽപ്രിത് 33 റൺസ് എടുത്തു പുറത്തായി. തുടർന്ന് ശ്രെയസ് അയ്യരുമായി (45) മികച്ച കൂട്ടുകെട്ട് ഉണ്ടാക്കിയ രഹാനെ അർദ്ധ സെഞ്ച്വറി തികച് പുറത്തായി. തുടർച്ചയായി മൂന്നു വിക്കറ്റ് വീഴ്ത്തി ഇംഗ്ലണ്ട് ഇന്ത്യയെ സമ്മർദ്ദത്തിലാക്കി, ശ്രെയസ്, രഹാനെ, വിഹാരി എന്നിവരെ നിശ്ചിത ഇടവേളകളിൽ വീഴ്ത്തി ഇംഗ്ലണ്ട് പിടിമുറുക്കി ഇന്ത്യയുടെ സ്കോറിങ് പതുക്കെയാക്കി.

തുടർന്ന് ഇഷാൻ ആയിരുന്നു രക്ഷാപ്രവർത്തനം നടത്തിയത്. ഒരറ്റത്തു വിക്കറ്റുകൾ വീണു കൊണ്ടിരുന്നു എങ്കിലും പിടിച്ചു നിന്ന ഇഷാൻ, ശര്‍ദുലിനെ കൂട്ടുപിടിച് അവസാനം ആഞ്ഞടിച്ചു ഇന്ത്യയെ വിജയ തീരത്തെത്തിച്ചു.