Author: na

തായ്ലാന്റ് ഗുഹ ദുരന്തത്തിൽ നിന്ന് രക്ഷപ്പെട്ട കുട്ടികൾക്ക് ജേഴ്സി വാഗ്ദാനം ചെയ്ത് ഇംഗ്ലീഷ് ഫുട്ബോൾ താരം. ഇംഗ്ലണ്ട് ഡിഫൻഡർ കെയ്ൽ വാൾക്കറാണ് കുട്ടികൾക്ക് ജേഴ്സി അയച്ചു നൽകാൻ അഡ്രസ്സ് തേടി രംഗത്ത് എത്തിയത്. ഇംഗ്ലണ്ട് ജേഴ്സി അണിഞ്ഞു നിൽക്കുന്ന കുട്ടികളിൽ ഒരാളുടെ ഫോട്ടോ പങ്ക് വച്ചാണ് താരം ട്വിറ്ററിൽ രംഗത്ത് വന്നത്.

See more

Amazing news that all of the Thai kids are out of the cave safely! I'd like to send out shirts to them! Is there anyone who can help with an address? @England pic.twitter.com/pQYwW4SPh7

— Kyle Walker (@kylewalker2) July 10, 2018

 

ലോകം കാത്തിരുന്ന വാർത്ത ഇന്ന് വൈകിട്ടാണ് പുറത്ത് വന്നത്. ഗുഹയിൽ കുടുങ്ങിയ മുഴുവൻ കുട്ടികളും അവരുടെ ഫുട്ബോൾ പരിശീലകനും 2 ആഴ്ചകൾക്ക് ശേഷം പുറം ലോകം കണ്ടത്. വാർത്തയിൽ അതിയായ സന്തോഷം രേഖപ്പെടുത്തിയ വാൾക്കർ കുട്ടികൾക്കായി സമ്മാനം വാഗ്ദാനം ചെയ്ത് എത്തിയതോടെ ഫുട്ബോൾ പ്രേമികൾ പൂർണ്ണ പിന്തുണയുമായി എത്തി.

കൂടുതൽ കായിക വാർത്തകൾക്ക് : www.facebook.com/FanportOfficial

ലോകകപ്പ് സെമിയിൽ ബെൽജിയത്തിന് എതിരാളികളായി ഫ്രാൻസ് വന്നതോടെ പുലിവാൽ പിടിച്ചത് സാക്ഷാൽ തിയറി ഹെൻറിയാണ്. ബെൽജിയം സഹ പരിശീലകനായ ഹെൻറിക്ക് വന്നിരിക്കുന്നത് സ്വന്തം രാജ്യത്തെ കളിക്കളത്തിൽ വീഴ്ത്താൻ തന്ത്രം തയ്യാറാക്കുക എന്ന ജോലിയും. അതും 1998 ലോകകപ്പിൽ ഫ്രാൻസ് ജേതാക്കൾ ആയപ്പോൾ ഹെൻറി ഉൾപ്പെടുന്ന ടീമിനെ നയിച്ച ദിദിയെ ദശാംപ്സ് പരിശീലിപ്പിക്കുന്ന ടീമിനെതിരെ.

സെന്റ് പീറ്റേഴ്സ്ബെർഗിൽ ചൊവ്വാഴ്ചയാണ്‌ ഫ്രാൻസ് – ബെൽജിയം സെമി. ഫ്രാൻസിന്റെ എക്കാലത്തെയും വലിയ ഗോൾ വേട്ടകാരിൽ ഒരാളായ ഹെൻറി പക്ഷെ അന്ന് പ്രാർത്ഥിക്കുക എംബപ്പേയും, ജിറൂദും, ഗ്രീസ്മാനും അടക്കമുള്ള ഫ്രഞ്ച് ആക്രമണ നിര ഗോൾ അടിക്കരുതെ എന്നാവും.

ഹെൻറിയുമായുള്ള പോരാട്ടത്തെ വിചിത്രം എന്നാണ് ഫ്രാൻസ് പരിശീലകൻ ദേഷാമ്പ്സ് വിശേഷിപ്പിച്ചത്. പക്ഷെ ഹെൻറിയുടെ നേട്ടങ്ങളിൽ സന്തോഷവാൻ ആണെന്നും അദ്ദേഹം കൂട്ടി ചേർത്തു. 40 വയസുകാരനായ ഹെൻറി ഫ്രാൻസിന് വേണ്ടി 123 മത്സരങ്ങളിൽ 51 ഗോളുകൾ നേടിയിട്ടുണ്ട്. 1998, 2002, 2006, 2010 ലോകകപ്പുകളിൽ ഫ്രഞ്ച് ആക്രമണത്തെ നയിച്ചതും ഹെൻറിയായിരുന്നു.

ലോകകപ്പിൽ ഏറ്റവും അപകടം വിതക്കുന്ന ആക്രമണ നിരയായി ബെൽജിയം വളർന്നതിൽ ഹെൻറിയുടെ പങ്കും വലുതാണ്. ലുകാകുവിന്റെ കളിയിൽ കാണുന്ന മാറ്റം അത് സൂചിപ്പിക്കുന്നു. കേവലം ഗോളടിക്കുക എന്നതിലുപരി ബെൽജിയം ആക്രമണത്തിന്റെ റഫറൻസ് പോയിന്റ് ആയി ലുകാകു വളർന്നതിൽ ഹെൻറിയുടെ മാർഗ നിർദേശങ്ങൾ ഉണ്ടായിരുന്നു. ആഴ്സണലിൽ ഹെൻറി കളിച്ച അതേ ശൈലി. ഗോൾ അടിക്കുക, അടിപ്പിക്കുക.

രണ്ട് വർഷങ്ങൾക്ക് മുൻപാണ് ഹെൻറി റോബർട്ടോ മാർടീനസിന്റെ സഹ പരിശീലകനാവുന്നത്. കേവലം സൂപ്പർ സ്റ്റാറുകളുടെ കൂട്ടം മാത്രമായിരുന്ന ബെൽജിയത്തെ മാർടീനസിനൊപ്പം ഒത്തിണക്കമുള്ള ടീമാക്കി വളർത്തുന്നതിൽ ഹെൻറിയും പങ്കാളിയായി. ജന്മ ദേശത്തിനെതിരെ കളിക്കാൻ ഒരുങ്ങുമ്പോഴും കരിയറിൽ ഉടനീളം പ്രൊഫഷണലിസം മുറുകെ പിടിച്ച തിയറി ഹെൻറി ബെൽജിയത്തിന്റെ കൂടെയാവും. 1998 ൽ ഗ്രൗണ്ടിൽ ഇറങ്ങി നേടിയത് ഇത്തവണ പിന്നണിയിൽ നിന്ന് നേടാൻ. നാളെ ഒരു പക്ഷെ ഫ്രഞ്ച് സംഘത്തെ ഹെൻറി പരിശീലിപ്പിക്കുന്നതും  നമുക്ക് കാണാനായേക്കും.

കൂടുതൽ കായിക വാർത്തകൾക്ക് : www.facebook.com/FanportOfficial

ലോകകപ്പ് ക്വാർട്ടർ ഫൈനലിൽ ബ്രസീലിനെ നേരിടാൻ ഒരുങ്ങുന്ന ബെൽജിയൻ ആക്രമണ നിര ബ്രസീൽ പ്രതിരോധ നിരയിലെ ദൗർബല്യങ്ങൾ മുതലാക്കാൻ ഒരുങ്ങുന്നു. ബ്രസീലിന്റെ റൈറ്റ് ബാക്ക് ഫാഗ്നറിന്റെ പരിചയകുറവ് ബെൽജിയം മുതലാക്കാൻ ഒരുങ്ങുന്നതായി ബെൽജിയൻ സ്ട്രൈക്കർ ലുകാകു സൂചന നൽകി.

ബ്രസീൽ നിരയിൽ അനുഭവ സമ്പത്തുള്ള 3 പേർ ഉണ്ടെന്നും എന്നാൽ പ്രതിരോധത്തിൽ ബ്രസീലിനെ വീഴ്ത്താൻ പറ്റുമെന്നാണ് ലുകാകു പറഞ്ഞത്. ഇത് ബ്രസീൽ നിരയിൽ അനുഭവ സമ്പത്ത് കുറഞ്ഞ ഫാഗ്നറിനെ ലക്ഷ്യമിട്ടാണ്. കൊറിന്ത്യൻസ് താരമായ ഫാഗ്നർ 29 വയസുകാരൻ ആണെങ്കിലും ദേശീയ ടീമിൽ ഇടം നേടിയത് 2016 ൽ മാത്രമാണ്. ഡാനി ആൽവസിന് പരിക്ക് പറ്റിയതോടെയാണ് ലോകകപ്പ് ടീമിൽ ഇടം നേടിയത്.

ഡാനിലോ ഫിറ്റ്നസ് വീണ്ടെടുത്തിട്ടുണ്ടെങ്കിലും ബെൽജിയത്തിന് എതിരെ ഫാഗ്നർ തന്നെ കളിക്കാനാണ് സാധ്യത.

കൂടുതൽ കായിക വാർത്തകൾക്ക് : www.facebook.com/FanportOfficial