Author: Jyotish

കേരള ബ്ലാസ്റ്റേഴ്സ് റിട്ടയർ ചെയ്ത 21ആം നമ്പർ തിരിച്ച് കൊണ്ടുവരണമെന്ന ആവശ്യവുമായി ബ്ലാസ്റ്റേഴ്സ് ആരാധകർ. സന്ദേശ് ജിങ്കനെതിരെയുള്ള പ്രതിഷേധത്തിന്റെ ഭാഗമായാണ് ബ്ലാസ്റ്റേഴ്സ് ആരാധകർ ഈ ആവശ്യം ഉന്നയിക്കുന്നത്. എടികെ മോഹൻ ബഗാൻ- കേരള ബ്ലാസ്റ്റേഴ്സ് മത്സരത്തിന് ശേഷമായിരുന്നു മുൻ ബ്ലാസ്റ്റേഴ്സ് താരം സന്ദേശ് ജിങ്കൻ വിവാദ പരാമർശം നടത്തിയത്. “സ്ത്രീകളോടൊപ്പമാണ് ഞങ്ങൾ കളിച്ചത് സ്ത്രീകളോടൊപ്പം” എന്നാണ് മത്സരശേഷം ജിങ്കൻ പറഞ്ഞത്. കേരള ബ്ലാസ്റ്റേഴ്സിനെ അപമാനിക്കാൻ ആയി ഇത്തരം പരാമർശം ജിങ്കനിൽ നിന്നും ആരാധകർ പ്രതീക്ഷിച്ചിരുന്നില്ല. കേരള ബ്ലാസ്റ്റേഴ്സിൽ ഏറ്റവുമധികം ആരാധകരുള്ള താരമായിരുന്നു സന്ദേശ് ജിങ്കൻ.

കേരള ബ്ലാസ്റ്റേഴ്സ് മുൻ താരമായ ജിങ്കൻ ക്ലബ്ബ് വിട്ടതിന് പിന്നാലെ തന്നെ ജിങ്കന്റെ ജേഴ്സിയും റിട്ടയർ ചെയ്തിരുന്നു. ക്ലബ്ബ് വിട്ടതിന് ശേഷവും ബ്ലാസ്റ്റേഴ്സ് ആരാധകരുടെ ശക്തമായ പിന്തുണ ജിങ്കന് ലഭിച്ചിരുന്നു. കേരള ബ്ലാസ്റ്റേഴ്സിന് നൽകിയ സംഭാവനകൾക്കുള്ള ആദരവ് എന്ന നിലയിൽ ജിങ്കന്റെ ജേഴ്സി നമ്പർ 21 കേരള ബ്ലാസ്റ്റേഴ്സ് റിട്ടയർ ചെയ്തിരുന്നു. അത് ഒഴിവാക്കി 21ആം നമ്പർ തിരികെ എത്തിക്കണം എന്നാണ് സമൂഹമാധ്യമങ്ങളിൽ കേരള ബ്ലാസ്റ്റേഴ്സ് ആരാധകർ ആവശ്യപ്പെട്ടുന്നത്. #Bringback21 എന്ന ഹാഷ്ടാഗ് ഉപയോഗിച്ചൊരു ക്യാമ്പെയിൻ ട്വിറ്ററിൽ കേരള ബ്ലാസ്റ്റേഴ്സ് ആരാധകർ നടത്തുന്നുണ്ട്. കേരള ബ്ലാസ്റ്റേഴ്സ് ക്ലബ്ബ് ഇതിനെ കുറിച്ച് ഔദ്യോഗികമായി പ്രതികരിച്ചിട്ടില്ല.

കേരള ബ്ലാസ്റ്റേഴ്സിനോടും വനിത താരങ്ങളോടും മാപ്പ് പറഞ്ഞ് സന്ദേശ് ജിങ്കൻ. ഇന്നലെ എടികെ മോഹൻ ബഗാൻ- കേരള ബ്ലാസ്റ്റേഴ്സ് മത്സരത്തിന് ശേഷമാണ് വിവാദമായ പരാമർശം ജിങ്കൻ നടത്തിയത്. ഇതേ തുടർന്ന് സമൂഹമാധ്യമങ്ങളിൽ ജിങ്കനെതിരെ ശക്തമായ പ്രതിഷേധങ്ങളാണ് ഉയർന്നത്. കേരള ബ്ലാസ്റ്റേഴ്സ് ആരാധകർ അടക്കമുള്ള ഇന്ത്യൻ ഫുട്ബോൾ ആരാധകർ ജിങ്കനെതിരെ ഒറ്റക്കെട്ടായി രംഗത്തെത്തുകയായിരുന്നു. ഇതിന് പിന്നാലെ മാപ്പ് പറഞ്ഞിരിക്കുകയാണ് ജിങ്കൻ. കേരള ബ്ലാസ്റ്റേഴ്സ് എഫ്സിക്കെതിരെ ആയിരുന്നില്ല തന്റെ പരാമർശങ്ങൾ എന്നു പറഞ്ഞ ജിങ്കൻ എല്ലാ എതിരാളികളെയും ബഹുമാനിക്കാറുണ്ടെന്നും കുട്ടിച്ചേർത്തു.

https://twitter.com/SandeshJhingan/status/1495331741497651210?t=Ka-4Vilkgy-vKDgSDR6nQQ&s=19

ഇന്ത്യൻ വനിത ഫുട്ബോളിന്റെ സപ്പോർട്ടർ ആണെന്നും തനിക്കും അമ്മയും സഹോദരിയും ഉണ്ടെന്നും സ്ത്രീകളെ ബഹുമാനിക്കാറെ ഉള്ളുവെന്നും ജിങ്കൻ പറഞ്ഞു. അതേ സമയം സെക്സിസ്റ്റ് പരാമർശങ്ങൾ നടത്തിയതിന് ശേഷം മാപ്പ് പറഞ്ഞിട്ട് കാര്യമില്ലെന്നാണ് ജിങ്കനെ ഫുട്ബോൾ ആരാധകർ സമൂഹമാധ്യമങ്ങളിൽ പ്രതികരിക്കുന്നത്.

വിവാദ പരാമർശവുമായി മുൻ ബ്ലാസ്റ്റേഴ്സ് താരം സന്ദേശ് ജിങ്കൻ. ഇന്നലെ
എടികെ മോഹൻ ബഗാനെതിരായ മത്സരത്തിന് ശേഷമായിരുന്നു ഫുട്ബോൾ ആരാധകരെ ഞെട്ടിച്ച സന്ദേശ് ജിങ്കന്റെ പ്രതികരണം. “സ്ത്രീകളോടൊപ്പമാണ് ഞങ്ങൾ കളിച്ചത് സ്ത്രീകളോടൊപ്പം” എന്നാണ് മത്സരശേഷം ജിങ്കൻ പറഞ്ഞത്. സ്ത്രീത്വത്തെ അപമാനിക്കുന്ന ഇത്തരം പരാമർശം സന്ദേശ് ജിങ്കനെ പോലൊരു സീനിയർ ഫുട്ബോൾ താരത്തിൽ നിന്നും ആരും പ്രതീക്ഷിക്കുന്നതായിരുന്നില്ല. ഇന്ത്യൻ ദേശീയ ടീം വൈസ് ക്യാപ്റ്റൻ കൂടിയായ ജിങ്കൻ ഇന്ത്യൻ വനിതാ ഫുട്ബോളിനേയും താരങ്ങളേയും കൂടിയാണ് ഈ വിവാദ പരാമശത്തിലൂടെ അപമാനിച്ചിരിക്കുന്നത്‌.

ഇന്നലെ ഇഞ്ചുറി ടൈമിലെ ഗോളിൽ മോഹൻ ബഗാൻ ബ്ലാസ്റ്റേഴ്സിനെതിരെ സമനില നേടിയൊരുന്നു. കേരള ബ്ലാസ്റ്റേഴ്സിൽ ഏറ്റവുമധികം ആരാധകരുള്ള താരമായിരുന്നു സന്ദേശ് ജിങ്കൻ. കേരള ബ്ലാസ്റ്റേഴ്സ് മുൻ താരമായ ജിങ്കൻ ക്ലബ്ബ് വിട്ടതിന് പിന്നാലെ തന്നെ ജിങ്കന്റെ ജേഴ്സിയും റിട്ടയർ ചെയ്തിരുന്നു. ക്ലബ്ബ് വിട്ട് കഴിഞ്ഞും ബ്ലാസ്റ്റേഴ്സ് ആരാധകരുടെ ശക്തമായ പിന്തുണ ജിങ്കന് ലഭിച്ചിരുന്നു.

അതേ സമയം ഇത്രയ്ക്ക് നിരുത്തരപരമായ പ്രസ്താവനയിലൂടെ കേരള ബ്ലാസ്റ്റേഴ്സിനേയും ഇന്ത്യൻ വനിതാ ഫുട്ബോളിനേയും താരങ്ങളേയും അപമാനിച്ച കനത്ത പ്രതിഷേധമാണ് സമൂഹ മാധ്യമങ്ങളിലൂടെ ഉയരുന്നത്. എടികെ മോഹൻ ബഗാന്റെ ഇൻസ്റ്റഗ്രാം സ്റ്റോറിയിലൂടെയാണ് മത്സരശേഷം ജിങ്കന്റെ പ്രതികരണം വന്നത്. സംഭവം വിവാദമായതിനെ തുടർന്ന് എടികെ മോഹൻ ബഗാൻ ആ വീഡിയോ ഡിലീറ്റ് ചെയ്യുകയും ചെയ്തു.

ഇന്ത്യൻ സൂപ്പർ ലീഗിൽ ഇന്ന് കേരള ബ്ലാസ്റ്റേഴ്സ് കരുത്തരായ എടികെ മോഹൻ ബഗാനെ നേരിടും. ഇരു ടീമുകൾക്കും നിർണായകമായ മത്സരമാണ് ഇന്നത്തേത്. ഐഎസ്എൽ 2021-22 ന്റെ ഉദ്ഘാടന മത്സരത്തിൽ 4-2 കേരള ബ്ലാസ്റ്റേഴ്സിനെ മോഹൻ ബഗാൻ പരാജയപ്പെടുത്തിയിരുന്നു. ഇതിന് മറുപടി നൽകാനുള്ള സുവർണ്ണാവസരമാണ് കേരള ബ്ലാസ്റ്റേഴ്സിന് കൈവന്നിരിക്കുന്നത്‌.

നിലവിൽ 11 മത്സരങ്ങളിൽ തോൽവി അറിയാതെ കുതിക്കുന്ന മോഹൻ ബഗാൻ പോയന്റ് നിലയിൽ രണ്ടാമതാണ്. അതേ സമയം 26‌പോയന്റുമായി നാലാം സ്ഥാനത്താണ് കേരള ബ്ലാസ്റ്റേഴ്സ്. ലൂണ, വാസ്കസ്, ഡിയാസ് എന്നിവരുൾപ്പെട്ട അക്രമണ നിരയാണ് കേരള ബ്ലാസ്റ്റേഴ്സിനെ കരുത്തരാക്കുന്നത്‌. ആറ് ക്ലീൻ ഷീറ്റുകളുമായി മികച്ച പ്രകടനമാണ് പ്രതിരോധം കേരള ബ്ലാസ്റ്റേഴ്സിനായി ഒരുക്കുന്നത്‌. അതേ സമയം ഫെറാണ്ടോയുടെ കീഴിൽ മോഹൻ ബഗാൻ മികച്ച ഫോമിലാണ്. ലിസ്റ്റൺ കോലാകോയും മൻവീർ സിംഗും അടങ്ങുന്ന ഇന്ത്യൻ അക്രമണ നിരയാണ് ബഗാന്റെ ജയങ്ങൾക്ക് ചുക്കാൻ പിടിക്കുന്നത്. അവസാന അഞ്ച് മത്സരങ്ങളിൽ നാലിലും ജയിക്കാൻ ബഗാനായിരുന്നു. ഗോവയിലെ തിലക് മൈദാനിൽ വൈകിട്ട് 7.30 നാണ് കിക്കോഫ്.

ഐഎസ്എല്ലിൽ അട്ടിമറി ജയവുമായി നോർത്ത് ഈസ്റ്റ് യുണൈറ്റഡ്. ഒന്നിനെതിരെ രണ്ട് ഗോളുകൾക്കാണ് ബെംഗളൂരു എഫ്സിയെ നോർത്ത് ഈസ്റ്റ് യുണൈറ്റഡ് പരാജയപ്പെടുത്തിയത്. ബെംഗളൂരു എഫ്സിക്ക് വേണ്ടി ക്ലെയ്ടൻ സിൽവ ഗോളടിച്ചപ്പോൾ നോർത്ത് ഈസ്റ്റ് യുണൈറ്റഡിനായി ധൻവാവിയ റാൾട്ടെയും ദെഷ്രോൻ ബ്രൗണുമാണ്. ഇന്നത്തെ പരാജയം ബെംഗളൂരുവിന്റെ പ്ലേ ഓഫ് സ്വപ്നങ്ങൾ തുലാസിലാക്കിയത്.

ബെംഗളൂരു ഒരു ഗോളിന്റെ ലീഡ് നേടിയതിന് ശേഷമാണ് നോർത്ത് ഈസ്റ്റ് യുണൈറ്റഡ് ശക്തമായി തിരിച്ച് വന്ന് ജയം പിടിച്ചെടുത്തത്. കളിയുടെ രണ്ടാം പകുതിയിലാണ് മൂന്ന് ഗോളുകളും പിറന്നത്. 66ആം മിനുട്ടിലാണ് സിൽവയുടെ ഗോൾ പിറന്നത്. പിന്നീട് നോർത്ത് ഈസ്റ്റ് തിരിച്ച് വരവായിരുന്നു ആരാധകർ കണ്ടത്.

ജയം ഊട്ടിയുറപ്പിക്കാൻ ബെംഗളൂരു ശ്രമിക്കുന്നതിനിടയിലാണ് നോർത്ത് ഈസ്റ്റ് യുണൈറ്റഡ് സമനില ഗോൾ പിടിച്ചത്. ബെംഗളൂരു പ്രതിരോധം നോക്കിനിൽക്കെ ജമൈക്കൻ താരം ബെംഗളൂരു വലകുലുക്കി. മാഴ്സലീനൊയുടെ പോരാട്ട വീര്യം റാൾട്ടേയിലൂടെ നോർത്ത് ഈസ്റ്റിനായി വൈകാതെ ലക്ഷ്യം കണ്ടു. ഇഞ്ചുറി ടൈമിൽ ബ്രൗൺ ഗോളടിക്കുന്നതിന് അടുത്തെതിയെങ്കിലും ലക്ഷ്യം കണ്ടില്ല.

തുടർച്ചയായ പരാജയങ്ങൾ ബെംഗളൂരുവിന്റെ സ്വപ്നങ്ങൾക്ക് തിരിച്ചടിയായി. ഇന്ന് ജയിച്ചിരുന്നെങ്കിൽ കേരള ബ്ലാസ്റ്റേഴ്സിനേക്കാൾ മികച്ച ഗോൾ ഡിഫ്രെൻസിൽ ബെംഗളൂരു മുന്നേറിയേനെ. ഐഎസ്എല്ലിൽ 17 കളികളിൽ 23 പോയന്റുമായി ആറാം സ്ഥാനത്താണ് ബെംഗളൂരു. 18 പോയന്റുമായി 10ആം സ്ഥാനത്താണ് ഖാലിദ് ജാമിലിന്റെ നോർത്ത് ഈസ്റ്റ് യുണൈറ്റഡ്.

ഇന്ത്യൻ സൂപ്പർ ലീഗിൽ വിജയക്കുതിപ്പ് തുടർന്ന് മോഹൻ ബഗാൻ. മറുപടി ഇല്ലാത്ത രണ്ട് ഗോളിനാണ് ഇന്ന് എഫ്സി ഗോവയെ മോഹൻ ബഗാൻ പരാജയപ്പെടുത്തിയത്. ഇരട്ട ഗോളുകളുമായി മൻവീർ സിംഗാണ് എടികെ മോഹൻ ബഗാന്റെ ജയത്തിന് ചുക്കാൻ പിടിച്ചത്. ജുവാൻ ഫെറാണ്ടോയുടെ മോഹൻ ബഗാൻ 11മത്സരങ്ങളിലെ അപരാജിതക്കുതിപ്പാണ് തുടരുന്നത്. ഈ ജയത്തോട് കൂടി പോയന്റ് നിലയിൽ ഐഎസ്എല്ലിൽ ഒന്നാമതുള്ള ഹൈദരാബാദ് എഫ്സിക്കൊപ്പമെത്തി മോഹൻ ബഗാൻ.

എഫ്സി ഗോവയുടെ പ്ലേഓഫ് സ്വപ്നങ്ങൾക്കാണ് ഇന്ന് തിരിച്ചടി നേരിട്ടത്. മൂന്നാം മിനുട്ടിലും രണ്ടാം പകുതി ആരംഭിച്ച് 14ആം സെക്കന്റിലും മൻവീറിലൂടെ മോഹൻ ബഗാൻ വിജയത്തിലേക്ക് കുതിച്ചു. മൂന്നാം മിനുട്ടിലെ ഹെഡ്ഡറിലൂടെ മോഹൻ ബഗാൻ ലീഡെടുത്തെങ്കിലും മത്സരത്തിലേക്ക് തിരികെ വരാൻ ആദ്യ പകുതിയിൽ തന്നെ ഗോവ ശ്രമിച്ചിരുന്നു. എങ്കിലും രണ്ടാം പകുതിയിൽ തുടക്കത്തിൽ തന്നെ രണ്ട് ഗോളീന്റെ ലീഡ് മോഹൻ ബഗാൻ നേടിയത് ഗോവക്ക് തിരിച്ചടിയായി. 15 മത്സരങ്ങളിൽ നിന്നും 29 പോയന്റാണ് മോഹൻ ബഗാനുള്ളത്. അതേ സമയം എഫ്സി ഗോവക്ക് 17 മത്സരങ്ങളിൽ നിന്നും 18 പോയന്റാണുള്ളത്.