Author: Jyotish

ഹൊള്ളർബാക്ക് ഹാംബർഗിന്റ പുതിയ കോച്ച്

ബുണ്ടസ് ലീഗ ക്ലബ്ബായ ഹാംബർഗ് എസ്‌വിയുടെ കോച്ചായി ഹൊള്ളർബാക്ക് ചുമതലയേറ്റു. പുറത്തക്കപ്പെട്ട കോച്ച് മാർക്കസ് ഗിസ്‌ടോളിന് പകരമായാണ് ഹൊള്ളർബാക്ക് ചുമതലയേറ്റത്.അവസാന സ്ഥാനത്തുള്ള കൊളോണിനോടേറ്റ പരാജയമാണ് പെട്ടെന്ന് ഗിസ്‌ടോളിന്റെ പുറത്തക്കലിന് കാരണം.48 കാരനായ ഹൊള്ളർബാക്ക് മുൻ ഹാംബർഗ് എസ്‌വി താരം കൂടിയാണ്. 200 മത്സരങ്ങൾ ഹാംബർഗിന് വേണ്ടി അദ്ദേഹം കളിച്ചിട്ടുണ്ട്.

ബുണ്ടസ് ലീഗയുടെ ചരിത്രത്തിൽ ഇതുവരെ റെലെഗേറ്റ് ചെയ്യപ്പെടാത്ത ടീം ആണ് ഹാംബർഗ് എസ്‌വി. പതിനൊന്നു വര്ഷത്തിനിടയ്ക്കുള്ള ഹാംബർഗിന്റെ പതിനഞ്ചാമത്തെ കോച്ചാണ് ഹൊള്ളർബാക്ക്. 19 ബുണ്ടസ് ലീഗ മത്സരങ്ങൾക്ക് ശേഷം പതിനഞ്ച് പോയന്റ് മാത്രമാണ് ഹാംബർഗിന് നേടാനായത്. തുടർച്ചയായ ആറ് മത്സരങ്ങളിൽ ഒരു ജയം പോലും നിലവിൽ ഹാംബർഗ്‌നില്ല.

കൂടുതൽ കായിക വാർത്തകൾക്ക് : www.facebook.com/FanportOfficial

കേപ്പ റയൽ മാഡ്രിഡിലേക്കില്ല, അത്ലെറ്റിക്ക് ബിൽബാവോയിൽ തുടരും

റയൽ മാഡ്രിഡ് നോട്ടമിട്ട അത്‌ലറ്റിക്ക് ബിൽബാവോയുടെ യുവ ഗോൾ കീപ്പർ കേപ്പ അരിസബലാഗ അത്ലെറ്റിക്ക് ക്ലബ്ബിൽ തന്നെ തുടരാൻ തീരുമാനിച്ചു. ലീഗ് ചാമ്പ്യന്മാരായ റയലിലേക്ക് യുവതാരം പോകുമെന്ന് ഒട്ടേറെ അഭ്യൂഹങ്ങൾ ഉണ്ടായിരുന്നെങ്കിലും തന്റെ കുട്ടിക്കാലം മുതൽക്കുള്ള ക്ലബ്ബിൽ തുടരാനാണ് കേപ്പ തീരുമാനിച്ചത്. 2025 വരെയാണ് കേപ്പയുടെ കരാർ പുതുക്കിയിട്ടുള്ളത്. 80 മില്യൺ യൂറോയാണ് കേപ്പയുടെ ബൈ ഔട്ട് ക്ലോസായി അത്ലെറ്റിക്ക് ക്ലബ്ബ് തീരുമാനിച്ചിട്ടുള്ളത്.

അത്ലെറ്റിക്ക് ക്ലബ്ബിന്റെ അക്കാദമിയുടെ വളർന്നു വന്ന താരം സ്പാനിഷ് ദേശീയ ടീമിന്റെയും യൂത്ത് സ്ക്വാഡുകളിൽ അംഗമായിരുന്നു. കഴിഞ്ഞ വര്ഷം സ്പാനിഷ് ദേശീയ ടീമിൽ കളിക്കാനുള്ള അവസരം കേപ്പ അരിസബലാഗക്ക് ലഭിച്ചിരുന്നു. ലാ ലീഗ ചാമ്പ്യന്മാരിൽ നിന്നും ഓഫറുകൾ ഉണ്ടായിരുന്നെന്ന് തുറന്നു സമ്മതിച്ച കേപ്പ ബിൽബാവോയിൽ തുടരുവാൻ സന്തോഷമുണ്ടെന്നും പ്രതികരിച്ചു . കൈലാർ നവാസിന് പകരക്കാരനായാണ് റയൽ കേപ്പയെ പരിഗണിച്ചിരുന്നത്. കേപ്പയ്ക്കായി റയൽ വീണ്ടും ശ്രമിക്കുമോ അതോ യൂറോപ്പിലെ മറ്റു ലീഗുകളിലേക്ക് അവർ ശ്രദ്ധതിരിക്കുമോ എന്നകാര്യം കാത്തിരുന്നറിയാം.

കൂടുതൽ കായിക വാർത്തകൾക്ക് : www.facebook.com/FanportOfficial

ഗോരേട്സ്കയെക്കെതിരെ ഷാൽകെ ആരാധകർ

ബയേണുമായി കരാർ ഒപ്പിട്ട ലിയോൺ ഗോരേട്സ്കയെക്കെതിരെ പ്രതിഷേധവുമായി ഷാൽകെ ആരാധകർ. ഹന്നോവറിനെതിരായ മത്സരത്തിലാണ് ആരാധകർ പ്രതിഷേധം പ്രകടിപ്പിച്ചത്. “Neither money nor trophies are worth more than our club. The one who does not appreciate that can f*** off immediately ” എന്നെഴുതിയ ബാനറുകളുമായി ഷാൽകെ ആരാധകർ ഗാലറിയിൽ അണിനിരന്നു. 22 കാരനായ താരം ഷാൽകെ വിടുന്നതിനെതിരെ ആരാധകർ ശക്തമായ പ്രതിഷേധമാണ് സോഷ്യൽ മീഡിയയിലും ഉയർത്തുന്നത്. 63 ആം മിനുട്ടിൽ പകരക്കാരനായി ഗോരേട്സ്ക ഇറങ്ങിയപ്പോൾ കൂവി വിളിച്ചുകൊണ്ടാണ് താരത്തെ ആരാധകർ വരവേറ്റത്.

ബയേണുമായി 2022 വരെയുള്ള നാല് വർഷത്തെ കരാറിലാണ് ഗോരെട്സ്ക ഒപ്പുവെച്ചത്. അലയൻസ് അറീനയിൽ ജർമ്മൻ യുവതാരം മെഡിക്കൽ പൂർത്തിയാക്കിയിരുന്നു. നിർഭാഗ്യം പരിക്കിന്റെ രൂപത്തിൽ എത്തിയതിനെ തുടർന്നാണ് ലോക ചാമ്പ്യന്മാരായ ജോവാകിം ലോയുടെ ജർമ്മൻ ടീമിൽ നിന്നും ഗോരെട്സ്കക്ക് പുറത്ത് പോകേണ്ടി വന്നത്. 2013 ലാണ് രണ്ടാം ഡിവിഷൻ ക്ലബ്ബായ ബോചുമിൽ നിന്നും ഷാൽകേയിലേക്ക് ലിയോൺ ഗോരെട്സ്ക കൂടുമാറിയത്. ഷാൽകേയ്ക്ക് വേണ്ടി 130 മത്സരങ്ങളിൽ ബൂട്ടണിഞ്ഞ ഗോരെട്സ്ക 19 ഗോളുകളും നേടിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial

കോച്ചിനെ പുറത്താക്കി ഹാംബർഗ്

ക്ലബ്ബിന്റെ പ്രകടനം മോശമാകുമ്പോൾ കോച്ചിന്റെ സ്ഥാനം തെറിക്കുക എന്നത് ബുണ്ടസ് ലീഗയിൽ ഒരു തുടർക്കഥയാവുകയാണ്. ഇത്തവണ സ്ഥാനം തെറിച്ചത് ഹാംബർഗ് എസ്‌വി കോച്ച് മാർക്കസ് ഗിസ്‌ടോളിനാണു. നിലവിൽ ബുണ്ടസ് ലീഗ പോയന്റ് നിലയിൽ 17 മതാണ് ഹാംബർഗിന്റെ സ്ഥാനം. റെലെഗേഷൻ ഒഴിവാക്കാൻ ഏറെ പാടുപെടേണ്ടി വരും ഹാംബർഗ്. അവസാന സ്ഥാനത്തുള്ള കൊളോണിനോടേറ്റ പരാജയമാണ് പെട്ടെന്ന് ഗിസ്‌ടോളിന്റെ പുറത്തക്കലിന് കാരണം.

19 ബുണ്ടസ് ലീഗ മത്സരങ്ങൾക്ക് ശേഷം പതിനഞ്ച് പോയന്റ് മാത്രമാണ് ഹാംബർഗിന് നേടാനായത്. തുടർച്ചയായ ആറ് മത്സരങ്ങളിൽ ഒരു ജയം പോലും ഹാംബർഗ്‌നില്ല.മുൻ ഹാംബർഗ് താരം ഹൊല്ലെർബക്ക് പുതിയ കോച്ചായി സ്ഥാനമേറ്റെടുക്കുമെന്നു ജർമ്മൻ മാധ്യമങ്ങൾ റിപ്പോർട്ട് ചെയ്തു.

 

കൂടുതൽ കായിക വാർത്തകൾക്ക് : www.facebook.com/FanportOfficial

മുള്ളർക്കും ലെവൻഡോസ്‌കിക്കും ഇരട്ട ഗോൾ, അജയ്യരായി ബയേൺ മ്യൂണിക്ക്

ബുണ്ടസ് ലീഗയിൽ ബയേൺ മ്യൂണിക്കിന് ജയം. വെർഡർ ബ്രെമനെ രണ്ടിനെതിരെ നാല് ഗോളുകൾക്ക് പരാജയപ്പെടുത്തിയാണ് ബയേൺ ലീഗയിൽ ഒന്നാം സ്ഥാനം ഊട്ടിയുറപ്പിച്ചത്. തോമസ് മുള്ളറും റോബർട്ട് ലെവൻഡോസ്‌കിയും രണ്ടു ഗോളുകൾ വീതമടിച്ചപ്പോൾ ജെറോം ഗോൻഡോർഫ് ആണ് വെർഡറിന് വേണ്ടി ഗോളടിച്ചത്. നിക്‌ളാസ് സുലെയുടെ ഓൺ ഗോളാണ് വെർഡറിന് സ്‌കോർ ഉയർത്തിയത്. കഴിഞ്ഞ 15 തവണയും ഇരു ടീമുകൾ തമ്മിൽ ഏറ്റുമുട്ടിയപ്പോൾ ജയം ബയേണിന്റെ കൂടെയാണ്. ഇതൊരു ലീഗ് റെക്കോർഡ് കൂടിയാണ്. 100 ബുണ്ടസ് ലീഗ ഗോളുകൾ എന്ന നേട്ടം തോമസ് മുള്ളർ ഈ മത്സരത്തിൽ സ്വന്തമാക്കി 

ലെവൻഡോസ്‌കി തിരിച്ചെത്തിയ മത്സരത്തിൽ ആദ്യം സ്‌കോർ ചെയ്തത് വെർഡർ ബ്രെമനായിരുന്നു. ഗോൻഡോർഫിലൂടെ വെർഡർ ലീഡ് നേടി. ബോൾ പൊസെഷൻ ബയേണിനായിട്ടു കൂടി വെർഡറിന്റെ ആക്രമണ നിര ബയേൺ പ്രതിരോധത്തെ ആക്രമിച്ച് കൊണ്ടേയിരുന്നു. ആദ്യ പകുതിക്ക് മുൻപേ മുള്ളറിലൂടെ ബയേൺ സമനില നേടി. രണ്ടാം പകുതിയിൽ ലെവൻഡോസ്‌കി ലീഡുയർത്തിയെങ്കിലും സുലെയുടെ ഓൺ ഗോളിലൂടെ സ്വെർഡർ ബ്രെമാണ് സമനില പിടിച്ചു. മൂന്നര മിനുട്ട് നേരത്തെ ലീഡിന് ശേഷം ലെവൻഡോസ്‌കിയിലൂടെ ബയേൺ വീണ്ടും മുന്നിലെത്തി. പിന്നീട് ഹാമിഷ് റോഡ്രിഗസിന്റെ പാസിൽ മുള്ളർ ബയേണിന്റെ വിജയം ഉറപ്പിച്ചു. രണ്ടു ഗോളുകൾക്ക് അവസരമൊരുക്കിയ ഹാമിഷ് റോഡ്രിഗസ് വീണ്ടും ബയേണിന് വേണ്ടി മികച്ച പ്രകടനം പുറത്തെടുത്തു.

കൂടുതൽ കായിക വാർത്തകൾക്ക് : www.facebook.com/FanportOfficial

നെയ്മർ ഇല്ലാതെ പിഎസ്ജി ലിയോണിനെതിരെ

സൂപ്പർ താരം നെയ്മർ ഇല്ലാതെ പിഎസ്ജി ലിയോണിനെതിരെയിറങ്ങുന്നു. ഫ്രഞ്ച് ലീഗായ ലീഗ് വണ്ണിൽ ആദ്യ രണ്ടു സ്ഥാനക്കാർ തമ്മിൽ ഏറ്റുമുട്ടുമ്പോൾ മത്സരം ആവേശോജ്വലമാകുമെന്നുറപ്പാണ്. നെയ്മാറിനെ കൂടാതെ ലൂക്കസ് മൗറയും ബെൻ ആർഫയും തിയാഗോ മോട്ടയും മത്സരത്തിൽ ഉണ്ടാവില്ല. വലങ്കാലിലെ മസിൽ ഇഞ്ചുറിയാണ് ഗ്രോപമാ സ്റേഡിയത്തിലിറങ്ങാൻ ആഗ്രഹിച്ചിരുന്ന ബ്രസീലിയൻ താരത്തിന് തിരിച്ചടിയായത്. ഈ സീസണിൽ 15 ഗോളുകൾ നേടിയ നിയമരാണ് പിഎസ്ജിയുടെ തകർപ്പൻ പ്രകടനത്തിന്റെ ചുക്കാൻ പിടിക്കുന്നത്. പിഎസ്ജിയുടെ കഴിഞ്ഞ മത്സരത്തിൽ ലീഗ് വണ്ണിലെ തന്റെ ആദ്യ ഹാട്രിക്ക് നെയ്മർ നേടിയിരുന്നു.

തുടർച്ചയായി ഏഴു തവണ ലീഗ് നേടി റെക്കോർഡിട്ട ടീമാണ് ലിയോൺ. വെറ്ററൻ മിഡ്ഫീൽഡർ തിയാഗോ മോട്ടയും സൂപ്പർ താരം നെയ്മറും ഇല്ലാത്ത ടീമിനെ അട്ടിമറിക്കാൻ സാധിക്കുമെന്നാണ് ലിയോൺ കരുതുന്നത്. ബുധനാഴ്ച ദിജോണിനെ ഏകപക്ഷീയമായ എട്ടു ഗോളുകൾക്ക് തകർത്തതിന് ശേഷമാണ് ലിയോണിലേക്ക് പിഎസ്ജി വണ്ടി കയറുന്നത്. പിഎസ്ജി നേടിയ എട്ടു ഗോളുകളിൽ നാലും നെയ്മറുടെതായിരുന്നു

കൂടുതൽ കായിക വാർത്തകൾക്ക് : www.facebook.com/FanportOfficial

ഒബാമയങ്ങിനെതിരെ ബയേൺ മ്യൂണിക്ക് കോച്ച്

ബൊറൂസിയ ഡോർട്ട്മുണ്ടിന്റെ ഗോൾ മെഷിൻ ഒബാമയങ്ങിനെതിരെ റൈവൽ ക്ലബ്ബായ ബയേൺ മ്യൂണിക്ക് കോച്ച് യപ്പ് ഹൈങ്കിസ്. ഡോർട്ട്മുണ്ടിന് എതിരായുള്ള ഒബാമയങ്ങിന്റെ ആറ്റിറ്റ്യൂഡിനെയാണ് ബയേൺ കോച്ച് രൂക്ഷമായി വിമർശിച്ചത്. ഫുട്ബോൾ താരങ്ങൾ ക്ലബ്ബിനെയും ആരാധകരെയും പരിഗണിക്കാതെ സാമ്പത്തിക ലാഭത്തിനായി ക്ലബ്ബ് വിട്ട് പോകുന്നതിനെയാണ് ഒബാമയങ്ങിനെ ഉദ്ദരിച്ച് ഹൈങ്കിസ് വിമർശിച്ചത്. ഇത്തരം താരങ്ങളെ താൻ ഒരിക്കലും സൈൻ ചെയ്യില്ലെന്നും ഫുട്ബോളിന്റെ മൊറാലിറ്റി നശിപ്പിക്കാതിരിക്കാൻ കളിക്കാർ ശ്രദ്ധിക്കണമെന്നും ഒബാമയങ്ങിനെയും ഒസ്മാൻ ടെമ്പേലെയെയും സൈൻ ചെയ്ത ക്ലബ്ബുകളും അവരുടെ മെന്റാലിറ്റിയെ കുറിച്ച് ബോധവാന്മാരായിരിക്കണം എന്നും ബയേണിന് ട്രെബിൾ നേടിക്കൊടുത്ത കോച്ച് കൂട്ടിച്ചേർത്തു.

ആഴ്‌സണലിലേക്ക് ഒബാമയാങ് പോകുമെന്ന അഭ്യൂഹങ്ങൾ ആരഭിക്കുന്നതിനിടയിലാണ് ഒബാമയങ്ങിനെ ഡോർട്ട്മുണ്ട് സസ്‌പെൻഡ് ചെയ്യുന്നത്. അതിനു ശേഷം രണ്ടു മത്സരങ്ങൾ കളിച്ച ഡോർട്ട്മുണ്ട് ഇരു മത്സരങ്ങളിലും സമനില വഴങ്ങി. ഇതാദ്യമായല്ല ഒബാമയാങ് ഡിസിപ്ലിനറി ആക്ഷൻ നേരിട്ട് കൊണ്ട് സസ്പെൻഷനിലാകുന്നത്. ഒസ്മാൻ ടെമ്പേലെയുടെ ബാഴ്‌സലോണ മൂവിനു മുന്നോടിയായി ടെമ്പേലെയും സസ്‌പെൻഷൻ ഏറ്റുവാങ്ങിയിരുന്നു. ഡോർട്ട്മുണ്ടിന്റെ ചരിത്രത്തിലെ മികച്ച ഗോൾ വേട്ടക്കാരനായ ഒബാമയാങ് നേടിയത് അവർക്ക് വേണ്ടി 141 ഗോളുകളാണ് നേടിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

വീണ്ടും ബെയ്‌ലി, ലെവർകൂസന് തകർപ്പൻ ജയം

ബുണ്ടസ് ലീഗയിൽ ഹോഫൻഹെയിമിനെതിരായ മത്സരത്തിൽ ബയേർ ലെവർകൂസൻ വിജയിച്ചു. ഒന്നിനെതിരെ നാല് ഗോളുകൾക്കാണ് ലെവർകൂസൻ ഹോഫൻഹെയിമിനെ പരാജയപ്പെടുത്തിയത്. വീണ്ടും ലിയോൺ ബെയ്‌ലി തന്നെയായിരുന്നു ലെവർകൂസന് വേണ്ടി അകൗണ്ട് തുറന്നത്. ലെവർകൂസൻറെ ഗോൾ നേടിയ തുടർച്ചയായ ഇരുപത്തിയേഴാം മത്സരമാണിത്. ബെയ്‌ലിയും ബംഗാർട്ടലിൻകേറും അലരിയോ ഇരട്ട ഗോളുകളും നേടിയപ്പോൾ ഹോഫൻഹെയിമിന്റെ ആശ്വാസ ഗോൾ നേടിയത് സലൈയാണ്.

അതിമനോഹരമായൊരു ബാക്ക് ഹീല് കൊണ്ടാണ് ലിയോൺ ബെയ്‌ലി ലെവേർവൂസാണ് വേണ്ടി ആദ്യ ഗോൾ നേടിയത്. ഇതോടു കൂടി ഈ സീസണിൽ ബെയ്‌ലി ഗോളുകളുടെ എണ്ണം ഏഴാക്കി ഉയർത്തി. അതിൽ അഞ്ചെണ്ണവും ഹോം മാച്ചുകളിൽ നിന്നുള്ളതാണ്. ഗോളിനോടൊപ്പം തന്നെ ഒരു അസിസ്റ്റും ഉസൈൻ ബോൾട്ടിന്റെ കൂട്ടുകാരനായ ഈ ജമൈക്കൻ താരത്തിനുണ്ട്.ഇന്നത്തെ വിജയത്തോടു കൂടി ബയേർ ലെവർകൂസൻ പോയന്റ് നിലയിൽ രണ്ടാം സ്ഥാനത്തേക്കുയർന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

നൂറാം ലീഗ് ഗോളുമായി ഈഡൻ ഹസാർഡ്

ചെൽസിക്ക് വേണ്ടി ബ്രയ്ട്ടണെതിരായ ആദ്യ ഗോളിലൂടെ മറ്റൊരു നേട്ടം കൂടി സ്വന്തമാക്കിയിരിക്കുകയാണ് ഈഡൻ ഹസാർഡ്. 100 ലിഗ് ഗോളുകൾ എന്ന നേട്ടമാണ് ഈഡൻ ഹസാർഡ് ഇന്ന് സ്വന്തമാക്കിയത്. അമേക്സ് സ്റ്റേഡിയത്തിൽ വെച്ച് 12 യാർഡിനപ്പുറത്ത് നിന്നും ബെൽജിയൻ താരമടിച്ചത് പ്രീമിയർ ലീഗിലെ തന്റെ 64 മത്തെ ഗോളായിരുന്നു. ലീഗ് വണ്ണിൽ ലിലേയ്ക്ക് വേണ്ടി 36 ഗോളുകൾ അടിച്ചിട്ടുള്ള ഹസാർഡ് അതോടു കൂടി ലീഗ് ഗോളുകളുടെ എണ്ണത്തിൽ സെഞ്ച്വറി തികയ്ച്ചു.

ഗോൾ വരൾച്ചയ്ക്ക് അവസാനം കുറിച്ചാണ് ചെൽസി പ്രീമിയർ ലീഗിൽ ഈ വർഷത്തെ ആദ്യ ജയം സ്വന്തമാക്കിയത്. ഏകപക്ഷിയമായ നാല് ഗോളുകൾക്ക് ചെൽസി ജയിച്ചപ്പോൾ ഇരട്ട ഗോളുകൾ നേടി ഈഡൻ ഹസാർഡ് തന്റെ വ്യക്തിഗത നേട്ടം 101 ഗോളാക്കി മാറ്റി. ഹസാർഡിന്റെ മികച്ച പ്രീമിയർ ലീഗ് സീസൺ കഴിഞ്ഞ സീസൺ ആയിരുന്നു. പതിനാറു ഗോളുകളുമായി ബ്ലൂസിനോടൊപ്പം പ്രീമിയർ ലീഗും സ്വന്തമാക്കാൻ ഹസാർഡിനു കഴിഞ്ഞു. ഈ സീസണിൽ ഇതുവരെ ഏഴു പ്രീമിയർ ലീഗ് ഗോളുകളാണ് ഹസാർഡിന്റെ സമ്പാദ്യം.

കൂടുതൽ കായിക വാർത്തകൾക്ക് : www.facebook.com/FanportOfficial

ലിയോൺ ഗോരെട്സ്കയെ ടീമിലെത്തിച്ച് ബയേൺ മ്യൂണിക്ക്

ബുണ്ടസ് ലീഗ ആരാധകർ കാത്തിരുന്ന ട്രാൻസ്ഫർ ഒടുവിൽ സംഭവിച്ചു. റോയൽ ബ്ലൂസിൽ നിന്നും ജർമ്മൻ താരം ലിയോൺ ഗോരെട്സ്കയെ ബയേൺ മ്യൂണിക്ക് സ്വന്തമാക്കി. 22 കാരനായ ഗോരെട്സ്കയുടെ ഷാൽകേയുമായുള്ള കരാർ ഈ വർഷം അവസാനിക്കാനിരിക്കെ ഒട്ടേറെ അഭ്യൂഹങ്ങൾ പുറത്തു വന്നിരുന്നു. റഷ്യയിൽ കഴിഞ്ഞ വർഷം നടന്ന കോൺഫെഡറേഷൻ കപ്പിലെ തകർപ്പൻ പ്രകടനമാണ് യൂറോപ്പിലെ വമ്പന്മാരുടെ റഡാറിൽ ഗോരെട്സ്കയെ എത്തിച്ചത്. ഗോരെട്സ്ക ബുണ്ടസ് ലീഗയിൽ തന്നെ തുടരുന്നതിൽ സന്തോഷമുണ്ടെന്നായിരുന്നു ഷാൽകെ സ്പോർട്ടിംഗ് ഡയറക്ടർ പ്രതികരിച്ചത്.

ബയേണുമായി 2022 വരെയുള്ള നാല് വർഷത്തെ കരാറിലാണ് ഗോരെട്സ്ക ഒപ്പുവെച്ചത്. ഇന്നലെ അലയൻസ് അറീനയിൽ ജർമ്മൻ യുവതാരം മെഡിക്കൽ പൂർത്തിയാക്കിയിരുന്നു. നിർഭാഗ്യം പരിക്കിന്റെ രൂപത്തിൽ എത്തിയതിനെ തുടർന്നാണ് ലോക ചാമ്പ്യന്മാരായ ജോവാകിം ലോയുടെ ജർമ്മൻ ടീമിൽ നിന്നും ഗോരെട്സ്കക്ക് പുറത്ത് പോകേണ്ടി വന്നത്. 2013 ലാണ് രണ്ടാം ഡിവിഷൻ ക്ലബ്ബായ ബോചുമിൽ നിന്നും ഷാൽകേയിലേക്ക് ലിയോൺ ഗോരെട്സ്ക കൂടുമാറിയത്. ഷാൽകേയ്ക്ക് വേണ്ടി 130 മത്സരങ്ങളിൽ ബൂട്ടണിഞ്ഞ ഗോരെട്സ്ക 19 ഗോളുകളും നേടിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial

ഒരു വർഷത്തേക്ക് കൂടി ബാസ്റ്റിൻ ഷ്വെയിൻസ്റ്റൈഗർ ചിക്കാഗോ ഫയറിൽ

മുൻ ജർമ്മൻ ക്യാപ്റ്റനും ലോകകപ്പ് ജേതാവുമായ ബാസ്റ്റിൻ ഷ്വെയിൻസ്റ്റൈഗർ ഇനി ഒരു വർഷത്തേക്ക് കൂടി ചിക്കാഗോയിൽ തുടരും. ചിക്കാഗോ ഫയറുമായുള്ള കരാർ ഒരു വർഷത്തേക്ക് കൂടിയാണ് താരം നീട്ടിയത്. തന്റെ മേജർ ലീഗ് സോക്കർ കരിയറിൽ ഒരു ട്രോഫി ഇല്ലാത്തതിന്റെ വിഷമം താരം മറച്ചു വെച്ചില്ല. 2018 ൽ ഒരു ട്രോഫി നേടാൻ ഉറപ്പിച്ച് തന്നെയാണ് അമേരിക്കയിൽ രണ്ടാമങ്കത്തിന് ബാസ്റ്റിൻ ഷ്വെയിൻസ്റ്റൈഗർ ഒരുങ്ങുന്നത്.

തന്റെ ചിക്കാഗോ ഫയറിലെ അരങ്ങേറ്റ മത്സരത്തിൽ തന്നെ ഗോൾ നേടാൻ ബാസ്റ്റിൻ ഷ്വെയിൻസ്റ്റൈഗർക്ക് കഴിഞ്ഞിരുന്നു. ന്യൂയോർക്ക് റെഡ് ബില്ലിനോട് തോറ്റ് മേജർ ലീഗ് സോക്കർ പ്ലേയ് ഓഫിൽ പുറത്തയെങ്കിലും മികച്ച പ്രകടനമാണ് ചിക്കാഗോ ഫയർ കാഴ്ചവെച്ചത്. 24 മത്സരങ്ങളിൽ ആര് അസിസ്റ് ഉൾപ്പടെ നാല് ഗോളുകളാണ് ബാസ്റ്റിൻ ഷ്വെയിൻസ്റ്റൈഗറിന്റെ സമ്പാദ്യം. 2018 MLS സീസണിൽ ചിട്ടികഗോ ഫയറിന്റെ ആദ്യ മത്സരം മാർച്ച് പത്തിന് സ്പോർട്ടിങ് കാൻസസ് സിറ്റിക്ക് എതിരെയാണ്

കൂടുതൽ കായിക വാർത്തകൾക്ക് : www.facebook.com/FanportOfficial

ഫ്രഞ്ച് താരത്തെ  ടീമിലെത്തിച്ച് കൊളോൺ

ഫ്രഞ്ച് മധ്യനിര താരമായ വിൻസെന്റ് കോസിയെല്ലോയെ കൊളോൺ ടീമിലെത്തിച്ചു. 3 മില്ല്യൺ യൂറോയ്ക്കാണ് നീസിൽ നിന്നും കോസിയെല്ലോയെ കൊളോൺ സ്വന്തമാക്കുന്നത്. 22 കാരനായ താരം 2022 വരെയുള്ള കരാറിലാണ് ഒപ്പ് വെച്ചിരിക്കുന്നത്. കോസിയെല്ലോയുടെ വരവോടു കൂടി മധ്യ നിരയിലെ പ്രശ്നങ്ങൾ പരിഹരിക്കാൻ സാധിക്കുമെന്നാണ് കൊളോൺ കണക്ക് കൂട്ടുന്നത്.

കൊളോണിൽ കോസിയെല്ലോയെ കാത്തിരിക്കുന്നത് 41 ആം നമ്പർ ജേഴ്സിയാണ്. ഫ്രാൻസിന്റെ U21 ടീമിൽ ഒസ്മാൻ ഡെംബെലെയ്ക്കും ജീൻ കെവിൻ അഗസ്റ്റിനും ഒപ്പം കളിച്ച കോസിയെല്ലോ കൊളോണിനെ റെലെഗേഷനിൽ നിന്നും രക്ഷിക്കുമോ എന്ന് കാത്തിരുന്ന് കാണാം

Read more

Exit mobile version