കല്പകഞ്ചേരിയിൽ ഇന്ന് കിരീട പോരാട്ടം, ലിൻഷയും ജവഹറും നേർക്കുനേർ

newsdesk

Download the Fanport app now!
Appstore Badge
Google Play Badge 1

കല്പകഞ്ചേരി അഖിലേന്ത്യാ സെവൻസിൽ ഇന്ന് കലാശപോരാട്ടം നടക്കും. ജവഹർ മാവൂരും ലിൻഷാ മെഡിക്കൽസ് മണ്ണാർക്കാടുമാണ് കിരീടത്തിനായി ഇന്ന് ഇറങ്ങുന്നത്. സീസണിലെ 12ആം ഫൈനലാണിത്. സീസണിലെ രണ്ടാം കിരീടം ലക്ഷ്യം വെച്ചാണ് ലിൻഷാ മെഡിക്കൽസ് ഇന്ന് ഇറങ്ങുക.

മെഡിഗാഡ് അരീക്കോട്, കെ എഫ് സി കാളിക്കാവ് എന്നീ ടീമുകലെ വീഴ്ത്തി കൽപ്പകഞ്ചേരിയിൽ സെമിയിൽ എത്തിയ ലിൻഷ സെമി ലീഗിൽ ഫിഫയെ തോൽപ്പിക്കുകയും സൂപ്പറിനെ സമനിലയിൽ തളക്കുകയും ചെയ്തിരുന്നു. ജവഹറുമായും സെമിയിൽ കളിച്ചിരുന്നു. ഗോൾ രഹിത സമനില ആയിരുന്നു ഇരുടീമുകളും കളിച്ചപ്പോഴുള്ള ഫലം.

ഫിറ്റ് വെൽ, ശാസ്താ മെഡിക്കൽസ്, അൽ മദീന ചെർപ്പുള്ളശ്ശേരി എന്നീ ടീമുകളെ മറികടന്നാണ് ജവഹർ മാവൂർ ഫൈനലിലേക്ക് എത്തുന്നത്. സെമി ലീഗിൽ നിർണായക മത്സരത്തിൽ സൂപ്പറിനെയും ജവഹർ തോൽപ്പിച്ചിരുന്നു. സീസണിലെ ആദ്യ കിരീടമാണ് ജവഹർ ഇന്ന് ലക്ഷ്യമിടുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial