റോവേഴ്സ് സിസി 28 റണ്‍സിനു ഓള്‍ഔട്ട്, 6 വിക്കറ്റ് നേടി സൂരജ് മുത്തൂറ്റ് ഇസിസിയെ വിജയത്തിലേക്ക് നയിച്ചു

Sports Correspondent

Download the Fanport app now!
Appstore Badge
Google Play Badge 1

സെലസ്റ്റിയല്‍ ട്രോഫിയില്‍ ആധികാരിക ജയം സ്വന്തമാക്കി മുത്തൂറ്റ് ഇസിസി. ഇന്ന് മംഗലപുരം കെസിഎ ഗ്രൗണ്ടില്‍ നടന്ന മത്സരത്തില്‍ ടോസ് നേടി ബാറ്റിംഗ് തിരഞ്ഞെടുത്ത റോവേഴ്സ് തീരുമാനം തിരിച്ചടിക്കുകയായിരുന്നു. 10.1 ഓവറില്‍ 28 റണ്‍സിനാണ് റോവേഴ്സ് പുറത്തായത്. ഇസിസിയുടെ സൂരജ് 5.1 ഓവറില്‍ 13 റണ്‍സിനു 6 വിക്കറ്റ് നേടിയപ്പോള്‍ ഷറഫുദ്ദീന്‍ 2 വിക്കറ്റ് വീഴ്ത്തി.

അഞ്ച് റോവേഴ്സ് ബാറ്റ്സ്മാന്മാരാണ് ഇന്ന് അക്കൗണ്ട് തുറക്കാതെ പുറത്തായത്. സഞ്ജു സാംസണിന്റെ സഹോദരന്‍ സാലി സാംസണ്‍ ആണ് ടീമിന്റെ ടോപ് സ്കോറര്‍. 9 റണ്‍സാണ് സാലിയുടെ സംഭാവന. മറുപടി ബാറ്റിംഗിനിറങ്ങിയ ഇസിസി 5.4 ഓവറില്‍ 1 വിക്കറ്റ് നഷ്ടത്തില്‍ ലക്ഷ്യം നേടി. സുബിന്‍(5) പുറത്തായപ്പോള്‍ ബേസില്‍ മാത്യൂ(7*), ശ്രീരാഗ് രവീന്ദ്രന്‍(13*) എന്നിവരാണ് ടീമിനെ വിജയത്തിലേക്ക് നയിച്ചത്.

കൂടുതൽ കായിക വാർത്തകൾക്ക് : www.facebook.com/FanportOfficial