ആവേശകരമായ മത്സരത്തില്‍ സിഡ്നി തണ്ടറിന്റെ കടുത്ത വെല്ലുവിളി അതിജീവിച്ച് മെല്‍ബേണ്‍ റെനഗേഡ്സ്. ഇന്ന് നടന്ന മത്സരത്തില്‍ ടോസ് നേടിയ സിഡ്നി തണ്ടര്‍ ബൗളിംഗ് തിരഞ്ഞെടുക്കുകയായിരുന്നു. മാര്‍ക്കസ് ഹാരിസ് നേടിയ 64 റണ്‍സിന്റെ മികവില്‍ 189/6 എന്ന നിലയില്‍ മെല്‍ബേണ്‍ തങ്ങളുടെ ബാറ്റിംഗ് അവസാനിപ്പിച്ചപ്പോള്‍ ചേസിംഗിനിറങ്ങിയ സിഡ്നി 20ാം ഓവറില്‍ 180നു ഓള്‍ഔട്ട് ആയി. കെയിന്‍ വില്യംസണ്‍ നാല് വിക്കറ്റുമായി മെല്‍ബേണിനു ജയവും സ്വന്തമായി മാന്‍ ഓഫ് ദി മാച്ച് പട്ടവും സ്വന്തമാക്കി.
ഹാരിസിനു പുറമേ മാത്യു ഷോര്‍ട്ട്(28), കീറണ്‍ പൊള്ളാര്‍ഡ്(23), ബ്യൂ വെബ്സ്റ്റര്‍ നാല് പന്തില്‍ നിന്ന് സ്വന്തമാക്കി 18 റണ്‍സും നേടി മെല്‍ബേണിനെ കൂറ്റന്‍ സ്കോറിലേക്ക് നയിച്ചു. ഗുരീന്ദര്‍ സന്ധു രണ്ടും മിച്ചല്‍ മക്ലെനാഗന്‍, ക്രിസ് ഗ്രീന്‍, ഫവദ് അഹമ്മദ് എന്നിവര്‍ ഓരോ വിക്കറ്റും നേടി.
തുടക്കം തകര്‍ച്ചയോടെയായിരുന്നുവെങ്കിലും മലയാളിയായ അര്‍ജ്ജുന്‍ നായരും ബെന്‍ റോഹ്ററും ചേര്‍ന്ന് വീണ്ടും തണ്ടറിനു പ്രതീക്ഷ നല്‍കുകയായിരുന്നു. അര്‍ജ്ജുന്‍ നായര്‍ 25 പന്തില്‍ 45 റണ്‍സ് നേടിയപ്പോള്‍ 21 പന്തില്‍ 48 റണ്‍സുമായി ബെന്‍ റോഹ്‍റും മികവ് പുലര്‍ത്തി. എന്നാല്‍ ഇരുവരെയും പുറത്താക്കി കെയിന്‍ റിച്ചാര്ഡ്സണ് തിരികെ റെനഗേഡ്സിനെ മത്സരത്തിലേക്ക് എത്തിച്ചു. വാലറ്റത്തിലും രണ്ട് വിക്കറ്റ് കെയിന്‍ വീഴ്ത്തിയതോടെ 20 ഓവറില്‍ തണ്ടര്‍ 180നു ഓള്‍ഔട്ട് ആയി.
4 ഓവറില്‍ 4 വിക്കറ്റ് വീഴ്ത്തിയ കെയിന്‍ റിച്ചാര്ഡ്സണ് 22 റണ്‍സ് മാത്രമാണ് വഴങ്ങിയത്. റിച്ചാര്ഡ്സണ് പിന്തുണയുമായി കീറണ്‍ പൊള്ളാര്‍ഡും 2 വിക്കറ്റ് വീഴ്ത്തി.
കൂടുതൽ കായിക വാർത്തകൾക്ക് : www.facebook.com/FanportOfficial
